600 € për një tampon me qëllim kalimin në Greqi, ky është personi që falsifikonte analizat

Ëngjëllush Bici

Ky që shihni në këtë foto është Ëngjëllush Bici, 28-vjeçari nga Bilishti i arrestuar dy ditë më parë nga policia e Korçës, si personi kryesor që kishte ngritur një skemë të falsifikimit të analizave të virusit COVID-19, me qëllim kalimin e qytetarëve nga Shqipëria në Greqi.

Bici, vepronte në qytetin e Bilishtit dhe Korçës, duke siguruar njerëz të ndryshëm që kërkonin të kalonin në Greqi, për qëllime punësimi. Për çdo analizë COVID-19 të falsifikuar, Ëngjëllush Bici, përfitonte një sasi prej 590 euro.

Hera e fundit që Ëngjëllush Bici, ka falsifikuar një analizë mjekësore Covid-19, ishte në datën 17 nëntor 2020, ku i ka dhënë në dorë shtetasit L.N, një analizë të laboratorit “Genius” që tregonte se ishte negativ.

Nga ana tjetër Nikolla i ka dhënë një shumë prej 590 euro, të cilën sipas dosjes së prokurorisë së Korçës, e kishte tërhequr në një bankë të nivelit të dytë në qytetin e Bilishtit.

Duke qënë i paisur me dokumentacionin përkatës, në datë 18 nëntor 2020, L.N, së bashku me Ëngjëllush Bicin, i janë drejtuar pikës së kalimit kufitar të Kapshticës. Mirëpo pala greke ka kthyer tek pala shqiptare alarmin “Inad”, me motivacionin e përdorimit të një dokumenti të falsifikuar nga personi, L.N.

Në fletën e përgjigjes së tamponit Sars-Cov-2 të laboratorit “Genius” me emër L.N, grekët kishin shkruar “...e falsifikuar...”. I pyetur nga policia, L.N, ka deklaruar se duke qenë se nuk kishte asnjë të ardhur vendosi të shkonte në Greqi, për të punuar si emigrant sezonal.

Me anë të një të njohuri ishte informuar mbi rregullat e reja të kalimit kufitar për shkak të pandemisë “Covid 19”. I njohuri i tij i kishte rekomanduar, Ëngjëllush Bicin, për ta kaluar në shtetin grek. Pasi kishte kontaktuar me këtë shtetas në telefon para një muaji, e kishte pyetur për procedurat për të kaluar kufirin dhe ai i kishte thënë se duhet të gjente një punë në Greqi, që një pronar ti sjellë emrin në doganë dhe përveç kësaj edhe tamponi i “Covidit” dhe një formular aplikimi. Të gjitha këto do t’ja siguronte, Engjëllush Bici,kundrejt një pagese që ishte 600 euro. Teksa është kthyer nga pala greke, L.N, ka komunikuar me Ëngjëllush Bicin, ku pasi e ka vënë në dijeni se e kishin kthyer pasi raporti ishte i falsifikuar, Ëngjëllushi e ka porositur që të griste dhe hidhte çdo dokumentacion dhe më pas ka shkëputur çdo komunikim me të.

Në momentin e arrestimit nga policia, Ëngjëllush Bicit, i është gjetur një raport përgjigje tamponi në emrin e tij,  i cili po ashtu dyshohet i falsifikuar sepse nga barkodi rezulton, në emër të E.J, që me sa duket ka qënë klienti i rradhës i Ëngjëllush Bicit. Ky i fundit është ndaluar për akuzën e “Mashtrimit më shumë se një herë” dhe “Falsifikimit të dokumentave shëndetësorë”. Ndërkohë një ditë më parë policia arrestoi dhe dy persona të tjerë Idajet Tocka dhe Ina Veliu, për akuzën e falsifikimit të analizave të “COVID-19. Organet greke të sigurisë u vunë në alarm, pas informacioneve të shërbimeve greke të sigurisë, se në zonën e Korçës ekzistojnë laboratorë, të cilat falsifikojnë përgjigjet e testeve negative të “COVID-19”PCR , që shërbejnë së bashku me formën PFL, për të hyrë në territorin grek.

Be.K./Shqiptarja.com
  • Sondazhi i ditës:

    A po zbatohet vendimi i ekspertëve që ndalon grumbullimin e më shumë se 10 personave?

Komento

Komente

  • Vlora: 21/11/2020 09:38

    Po mir po te doli pozitiv tamponi dhe qendron 14 dite ne shtepi kursen dhe 600 euro deri sa te dali diten e 15 negativ. Kupton ti vetem punetor sezonal nuk eshte ky tipi. kridheni brenda se kush e di me ca te zezash merret ai qe paguan 600 euro per nje cope leter. qelbesi

    Përgjigju
  • Kot: 20/11/2020 20:48

    Mbylleni brënda për vite, se ky mbylli mijëra shqiptarë për 2 lekë të qelbura. Racë e zgjuar shqiptarët.....do iu hedhin të tjerëve, harrojnë se në fund ia kanë hedhur vetes.

    Përgjigju


×

Lajmi i fundit

John

Kryemadhi e paqartë për akuzat e Bashës për viktimat me COVID ! Kundër publikimit të fotove të morgut: S'kanë rrjedhur nga ne