61-vjeçari në Roskovec vrau bashkëjetuesen e djalit e më pas u vetëvar, flet e motra: Thoshte do t'i ther të dy! Nusja rrinte mbyllur në dhomë, kishte frikë

Motra e Xhevahir Hoxhës, i cili goditi për vdekje me thikë bashkëjetuesen e të birit, 30-vjeçaren Merushe Hazizi e më pas u vetëvar, ka treguar se mes tyre kishte konflikte të vazhdueshme. Ajo thotë për 'Report Tv' se 61-vjeçari nuk e donte 30-vjeçaren dhe se kishte deklaruar se do ta vriste atë bashkë me të birin.

"Vëllai i madh më mori në telefon dhe më tha që Xhevahiri ka therur nusen e Fatjonit. Më solli djali te shtëpia e tyre, nuk e dija që vëllai kishte varur veten, më thanë që ka ikur nga shtëpia. Po bënte tre vjet që Fatjoni bashkëjetonte me atë, por vëllai thoshte nuk e dua, dua nusen e parë. Më mori Fatjoni në telefon para një jave dhe më tha se punët po shkojnë keq, nuk e di si do shkojë puna. Vëllai thoshte do i ther të dy, ishte kundër lidhjes së tyre. Kishin shumë konflikte, nipi me vëllanë kanë shkuar edhe në polici. Nusja rrinte mbyllur në dhomë, nuk dilte dot se kishte frikë", ka thënë ajo.

Lajmi kryesor:

Roskovec/ 61-vjeçari vret me thikë bashkëjetuesen e të birit dhe më pas vetëvaret në pemë! Kundërshtonte lidhjen e djalit me 30-vjeçaren sepse kishte qenë e martuar më parë

/Sh.Sh/Shqiptarja.com

TAG:
• Fier
• vrasje
• Roskovec
• krim ne familje
• merushe hazizi
• xhevair hoxha