Një ngjarje e rëndë është regjistruar sot në fshatin Vidhishtë në Roskovec të Fierit, ku një 61-vjeçar ka vrarë bashkëjetuesen e të birit e më pas edhe veten. Bëhet me dije se Xhevair Hoxha ka goditur për vdekje me thikë 30-vjeçaren Merushe Hazizi dhe më pas është vetëvarur në një pemë pas banese.
Burime bëjnë me dije se 61-vjeçari ishte kundër lidhjes së të birit me të renë, për shkak se ajo kishte qenë e martuar më parë. Për këtë arsye ata janë konfliktuar, ku më pas Hoxha ka marrë thikën duke goditur Hazizi dhe duke e lënë të vdekur në vend.
Gruaja kishte 3 fëmijë nga martesa e parë, që jetonin me ish-bashkëshortin e saj, ndërsa kishte 3 vite që bashkëjetonte me djalin e 61-vjeçarit
Familjarët e tyre, bashkëshortja e 61-vjeçarit dhe motra e tij, kanë treguar se në familje kishte konflikte të vazhdueshme, pikërisht për faktin se Hoxha nuk pranonte lidhjen e të birit me 30-vjeçaren. Sipas tyre, ai kishte deklaruar edhe më parë se do t'i vriste të dy, edhe të renë edhe djalin.
Viktima Merushe Hazizi
Motra e Xhevahir Hoxhës, i cili goditi për vdekje me thikë bashkëjetuesen e të birit, 30-vjeçaren Merushe Hazizi e më pas u vetëvar, ka treguar se mes tyre kishte konflikte të vazhdueshme. Ajo thotë për 'Report Tv' se 61-vjeçari nuk e donte 30-vjeçaren dhe se kishte deklaruar se do ta vriste atë bashkë me të birin.
"Vëllai i madh më mori në telefon dhe më tha që Xhevahiri ka therur nusen e Fatjonit. Më solli djali te shtëpia e tyre, nuk e dija që vëllai kishte varur veten, më thanë që ka ikur nga shtëpia. Po bënte tre vjet që Fatjoni bashkëjetonte me atë, por vëllai thoshte nuk e dua, dua nusen e parë. Më mori Fatjoni në telefon para një jave dhe më tha se punët po shkojnë keq, nuk e di si do shkojë puna. Vëllai thoshte do i ther të dy, ishte kundër lidhjes së tyre. Kishin shumë konflikte, nipi me vëllanë kanë shkuar edhe në polici. Nusja rrinte mbyllur në dhomë, nuk dilte dot se kishte frikë", ka thënë ajo.
Qerime Hoxha, gruaja e Xhevahir Hoxhës, i cili vrau bashkëjetuesen e të birit, Merushe Hazizin, thotë se marrëdhënia mes tyre ishte e acaruar. Ajo tregon se 61-vjeçari deklaronte në fshat se do ta vriste nusen, por shton se vetë asaj nuk ia merrte mendja se ai do ta bënte këtë veprim të rëndë.
"Ajo i thoshte mos hajde këtu se janë shtëpitë e mia, na acaronte shumë. Ajo 1 muaj kishte që kishte ardhur këtu, jetonin me qira. Ai thoshte nëpër fshat do e vras, po nuk ma merrte mendja se do e bënte këtë punë", tha ajo.
Report Tv ka siguruar foton e 30 vjeçares Merushe Abazi, e cila u godit për vdekje me thikë nga babai i bashkëjetuesit të saj, Xhevahir Hoxha.
Lajme të tjera
-
Moti i keq në Fier/ Disa fshatra pa energji elektrike
22 Nëntor, 18:51 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
-
Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat
22 Nëntor, 17:00
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
Tropojë/ Ishin të dehur, i riu vret 43-vjeçarin në lokalin e fshatit, dy grupe të FKS-së së Shkodrës për arrestimin e autorit (EMRAT)
22 Nëntor, 14:35 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
VIDEO e ekzekutimit të Klaudio Prendit, qëllohet disa herë me silenciator sapo hipën në 'G Class'! Shoku polic ndoqi nga pas mjetin e autorëve, por i humbi
22 Nëntor, 09:34
-
Kreshnik Spahiu: Përse më sheh shtrembër?
21 Nëntor, 16:39
-
Aksident në aksin Petovë-Libofshë/ Makina përplaset me motorin, 1 në gjendje të rëndë! Dërgohet drejt Traumës
20 Nëntor, 18:23 -
Fier/ Vrasja me thikë e 20-vjeçarit nxënës te ‘Petro Sota’, familjarët kërkojnë hetime më të thelluara: Gjykata të kthejë dosjen në prokurori
20 Nëntor, 17:49
