69 km e gjatë, me 6 tunele dhe 4 ura! Ndërtimi i Rrugës së Arbrit kushton 40.3 miliardë lekë, nga 4 orë Tiranë-Peshkopi do të përshkohet në rreth 2 orë

Ndërtimi i 69 kilometrave, i 6 tuneleve dhe i 4 urave që janë pjesë e projektit të Rrugës së Arbrit në finale kushtojnë 40.3 miliardë lekë (337,232,943 euro), ndërsa kostoja e supervizimit do të jetë535.1 milionë lekë.

Aktualisht 48 kilometra janë bërë të kalueshme, ndërsa zyrtarisht punimet mbyllen në pranverën e vitit që vjen. Pjesë e këtij projekti janë edhe dy nga urat më të larta në Ballkan, Ura Fshat 158 metra e lartë dhe ura e Vashës 152 metra e gjatë.

Ky projekt që erdhi si ofertë e pakërkuar e që po ndërtohet nga kompania “Gjoka Konstruksion”, financohet nga buxheti i shtetit. Punimet për këtë projekt kanë nisur në vitin 2019, ndërkohë që kohëzgjatja e koncesionit është 13 vite.

Pagesat buxhetore për projektin "Rruga e Arbrit" të kryera nga Ministria e Financave deri në fund ishin në vlerën e 6,599 miliardë lekëve, ndërsa për këtë vit janë parashikuar pagesa në vlerën e 3,375 miliardë lekëve dhe për vitin që vjen në 3 miliardë lekë. Konkretisht në relacionin e projektbuxhetit 2022 thuhet se për periudhën 2021-2024 do të paguhen nga buxheti i shtetit 9.695 miliardë lekë.

Ndërkohë deri në fund të 2020 ishte realizuar 65% e volumit të punimeve me vlerë investimi  26.5 miliardë lekë, dhe problemet më të mëdha ishin konstatuar në Tunelin e Murrizit, ku ecuria e punimeve është tepër e ngadaltë për shkak të rrëshqitjeve argjilore.

Përfundimi i këtij investimi shkurton distancën mes Tiranës dhe Peshkopisë nga 4 orë në rreth 2 orë. Por me përfundimin e tunelit të Murrizit, dhe shmangien e baypass-it provizor të ndërtuar prej 8.8 kilometrash pranë tunelit, distanca do të shkurtohet edhe më tepër.

Të dhëna nga Ministria e Infrastrukturës

K.T./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dibra: 29/11/2021 17:28

    Rruga nuk eshte e kalueshme Pse beni reklame kot, kushedi kur mbaron rruga Dhe fillon levizja e lire, Tashi eshte thjeshte mediatike per ato qe se kane idene...

    Përgjigju
  • Taku: 29/11/2021 15:50

    Kjo rruge ka qene ide e dekada viteve. Kur i erdhi radha per tu ndertuar, Rama zgjodhi ne menyre interesante"oferte e pakerkuar". Mgjs qeveria i kishte gati projektet dhe fondet apo dhe financimet,si psh kompania me e madhe ne bote,pra Kina, jo or jo. Leket tek Gjoket dhe Doshet. Besuam se Saliu qe me i peshtiri per perurime veprash. Por u gabuam. Kemi neokomunistin anadollak Rama eshte me keq.

    Përgjigju
  • Sondazhi i ditës:

    Si e organizoi Shqipëria finalen e Conference League?



×

Lajmi i fundit

John

SPECIALE/ Bunk’Art 1 dhe  Bunk’Art 2, nga kampet, telat me gjemba, e deri te burgjet, ‘streha’ e komunizmit në 45 vite