7 kg kokainë nga Holanda në Shqipëri mes patateve të ngrira, kapen në Itali shqiptarët me mijëra euro

Dy shqiptarë janë arrestuar në portin e Barit për trafik droge, pasi gjatë kontrollit të imtësishëm iu gjetën dhe sekuestruan 7 kg kokainë dhe mbi 150 mijë euro cash.

Lënda narkotike po transportohej nga Holanda në Itali me destinacion final Shqipërinë, por u zbulua në Bari dhe u bllokua. Kokaina po transportohej në një kamion frigoriferik me 20 ton patate të ngrira.

Fillimisht u gjet shuma e eurove prerje 20 dhe 50-euroshe më pas droga. Sipas medieve italiane që kanë publikuar edhe pamjet e momentit kur është sekuestruar, kokaina ishte fshehur në kabinën e shoferit.

Kokaina ishte ndarë në gjashtë pako, por u zbulua nga kontrolli me imtësi të plotë pas dyshimeve nga Agjencia Doganore. Ndërkohë që vijojnë hetimet për të identifikuar personat e tjerë të përfshirë.

d.ba./Shqiptarja.com
  • Sondazhi i ditës:

    Deklarata e ambasadores Yuri Kim, a duhet ta pranojë Basha marrëveshjen për Reformën Zgjedhore?

Komento

Komente

  • Karbunarë: 16/05/2019 13:49

    Vlonjat?

    Përgjigju


×

Lajmi i fundit

John

Drejtësia, donacionet e tërmetit dhe fondet publike! SHBA jep 5.5 mln $ për ngritjen e Akademisë së Transparencës