7 muaj pasi u shua skulptori Arben Bajo është vlerësuar nga Presidenti i Republikës, Ilir Meta, me titullin “Mjeshtër i madh”, me motivacionin:“Në vlerësim të cilësive të mëdha artistike, talentit të spikatur e të vyer në fushën e skulpturës bashkëkohore shqiptare. Skulptori që trajtoi me dashuri të veçantë figurën e njeriut dhe shënjoi ndjeshëm realitetin artistik vendas, me kontributin e tij qytetar, pedagogjik dhe intelektual”.
“Ne miqtë e tij që ishim përditë me të, na duket akoma sikur nga momenti në moment do të rikthehet sërisht. Është e pabesueshme ende. Të paktën ky çmim, që i dha Presidenti i Republikës është një vlerësim i krijimtarisë së tij dhe pwr dimensionin e tij human edhe pedagogjik. Patjetër që kjo nuk mjafton për kalibrin e Benit, që shënoi kohën e vet si pak skulptorë”, thotë studiuesi i arteve pamore, Ermir Hoxha.
Veprat e artit që ruhen nga familja në studion e tij, sipas studiuesit duhet që të kenë vlerësimin e duhur dhe nga institucionet, të cilat duhet të kenë vullnet për hapjen e një muzeu privat apo shtetëror
“Familja është treguar shumë e aftë për të ruajtur krijimtarinë e tij, ashtu siç ka qenë. Prandaj unë mendoj se Arben Bajo e meriton një muze privat apo shtetëror, kjo mund të jetë një nisëm e familjarëve apo miqve, por që duhet të gjejë mbështetjen e institucioneve. Qoftë për një lloj investimi apo edhe për zgjidhjen e kuadrit ligjor”, thotë Ermir Hoxha.
Portrete të personaliteteve shqiptarë, figura njerëzore, eleganca e nudove, hulumtim i botës së brendshme njerëzore përmes mitologjisë, instinktet kafshërore të mbështjella plot mjeshtëri me trupat njerëzor janë vetëm disa nga elementët për të cilët Ermir Hoxha vlerëson artistin bashkëkohor.
“Beni është një nga ata artistë që përkufizon më mirë skulpturën, nga ajo skulpturë e ngjizur në kohën e komunizmit me të gjithë parametrat tejet profesionale që ka pas, në përjetimin e kësaj skulpture në një fazë tranzitore për tre dekada”, përfundon Ermir Hoxha.
Vdekja kobzezë edhe e parakohshme, që erdhi nga Covid 19 në moshën 53-vjeçare i la Bajos dhe projekte pezull, të cilat miqtë artistë do t’i finalizojnë në të ardhmen përmes realizimit të një ekspozite personale.
Skulptori Arben Bajo
Lajme të tjera
-
'Lamtumirë Ali Osekut, modelit të rrallë që nuk përsëritet'! Gazmend Leka: Nga të vetmit që vuajtën Spaçin dhe nuk u ankua asnjëherë!
3 Prill, 16:57
-
'Shqiptarët dhe vdekja' Sot në Esencë, ora 23:00 në Report Tv
10 Tetor 2023, 18:08 -
Presidenti Begaj dekoron me titullin 'Mjeshtër i Madh' piktorin e njohur Helidon Haliti
9 Maj 2023, 16:22 -
'Mythodea', ekspozohen veprat e fundit të Bajos, bashkëshortja: Ishte si amanet! Kuratori: ‘Rënia e Pegasos’, sikur rrëfen humbjen e mikut tonë
13 Tetor 2022, 20:56
-
Historia e Fotografisë Shqiptare në 150 vite, studiuesi: Nga shkrepjet e para tek imazhet e dy Luftërave Botërore dhe fotot e diktatorëve
2 Korrik 2022, 18:18
-
Presidenti Ilir Meta dekoron piktorin Avni Delvina, i akordon titullin e lartë 'Mjeshtër i Madh'
28 Maj 2022, 12:52 -
Koha, udhëtimi dhe memoria/ ‘Udhëtimi magjik’ i Artan Peqinit
12 Maj 2022, 16:47
-
'Grupi 86', 12 artistë modernë rrëfehen në Galerinë e Tiranës (VIDEO)
31 Dhjetor 2021, 13:50
-
Meta vlerëson me titullin ‘Mjeshtër i Madh’, profesorin e matematikës Xhorxhi Vasili: Qytetar dhe intelektual model
18 Korrik 2021, 16:17 -
Meta dekoron peshëngritës të spikatur: Burim i përhershëm krenarie, model frymëzimi për brezat e rinj të sportistëve
24 Maj 2021, 13:21 -
Patronazhisti, e ç’a pastaj?
19 Prill 2021, 10:57
-
Meta dekoron me titullin 'Mjeshtër i madh' sportistë të shquar nga Vlora: Mbështetur mbi këto trashëgimi, t’i orientojmë dhe t’i edukojmë të rinjtë drejt sportit dhe edukimit cilësor
11 Prill 2021, 19:10
