Kremlini: Morëm fabrikën e çelikut, e mohon Kievi! Rusia: 3 ditë armëpushim në Azovstal, të evakuohen civilët! Shpërthime në Kiev e disa qytete

Rusia ka shpallur tre ditë armëpushim në fabrikën e Çelikut për të lejuar civilët të largohen. Armëpushimi është më datë më 5, 6 dhe 7 maj. Lajmi është bërë i ditur nga agjencia ruse e lajmeve Interfax.

Presidenti ukrainas Volodymyr Zelensky i ka kërkuar ndihmë Sekretarit të Përgjithshëm të OKB-së për të shpëtuar ukrainasit e mbetur të plagosur në fabrikën e çelikut Azovstal në Mariupol.

Në një telefonatë, të zhvilluar me Antonio Guterres Zelensky i kërkoi ndihmë që procesi i evakuimit të mos ndërpritet.

"Jeta e njerëzve që mbeten atje është në rrezik. Të gjithë janë të rëndësishëm për ne. Kërkojmë ndihmën tuaj për t'i shpëtuar", mësohet t’i ketë thënë Zelensky gjatë telefonatës Guterres sipas zyrës së shtypit të Presidentit Ukrainas.

E gjithë Ukraina është nën sulmin rus. Mediat raportojnë për bombardime në disa qytete, si: Odessa, Kievi, Mykolaiv, Kharkiv, Dnipro, Transkarpatia.

Kievi thotë se kjo është një taktikë e Rusisë për të shpërqendruar Ukrainën.

"Rusët po ndjekin taktika që i bëjnë ata të duken të paparashikueshëm. Kjo mund të shihet qartë nga sulmet me raketa që po kryhen praktikisht në të gjithë Ukrainën. Ka shumë të ngjarë që veprimet e tyre të synojnë të sigurojnë që ne nuk mund t'i parashikojmë ato”, tha Zëvendësministrja e Mbrojtjes e Ukrainës Anna Malyar.

Ukraine-and-Russia-1.jpg" style="height:442px; width:780px" />

Ministri i Jashtëm ukrainas Dmytro Kuleba ka mohuar pretendimet e rusëve se janë futur në fabrikën e çelikut Azovstal. Kuleba thotë se Azovstal po i reziston sulmeve ruse.

“Fabrika e çelikut Azovstal ende reziston pavarësisht se rusët sulmojnë çdo ditë me bomba”.

Fabrika Azovstal duket që nuk i ka rezistuar dot më pushtimit rus. Forcat ruse kanë hyre në territorin fabrikës është shprehur një zyrtar i lartë ukrainas.

Fabrika e Azovstal është “fushëbeteja” e fundit e forcave ukrainase në qytetin port të shkatërruar, me civilë që ende strehohen nën tokë në kompleksin e gjerë industrial.

"Përpjekjet për të sulmuar centralin vazhdojnë për ditën e dytë. Trupat ruse janë tashmë në territorin e Azovstal”, tha David Arakhamia, kreu i fraksionit parlamentar në pushtet të Ukrainës,

Kryebashkiaku i Mariupol tha gjatë ditës së sotme se ata kishin humbur komunikimin me ata që ishin brenda.

"Putin nuk supozohej të pushtonte Ukrainën, por nuk ishte fajtori i vetëm. Unë shoh presidentin ukrainas të flasë në televizion teksa duartrokitej në të gjithë parlamentet e botës, por është po aq fajtor sa Putin. Në luftë, nuk ka kurrë vetëm një person të përgjegjshëm", tha ish presidenti brazilian Luiz Inacio Lula da Silva.

Në një intervistë me 'Time', shtoi: "Nuk e njoh presidentin e Ukrainës por sjellja e tij është pak e çuditshme. Ai është në televizion në mëngjes, në mesditë dhe në mbrëmje. Duhet të ishte në tavolinën e negociatave. Ai donte luftë sepse nëse nuk do të donte, do të kishte negociuar më shumë".

Ministri i Jashtëm ukrainas Dimitry Kuleba ka reaguar pas refuzimit të Hungarisë për të ju bashkuar vendeve anëtare të Bashkimit Europian në sanksionet e reja ndaj Rusisë.

Kuleba i ka cilësuar bashkëpunëtore në krimet e Rusisë mbi popullin e Ukrainës vendet që refuzojnë embargo ndaj naftës ruse.

“Nëse një vend evropian vazhdon të kundërshtojë embargon ndaj naftës ruse, atëherë do të ishte e drejtë të thuhet se ky vend është bashkëpunëtor për krimet e kryera nga Rusia në territorin ukrainas,” tha Kuleba në një video të postuar në Twitter.

Sot Hungaria hodhi poshtë propozimin e Brukselit, duke thënë se një masë e tillë do të shkatërronte plotësisht sigurinë energjetike të vendit.

"Për momentin nuk ka asnjë shenjë se Rusia po planifikon të sulmojë Moldavinë." Kështu ka thënë ambasadori amerikan në vend, Kent Logsdon në një intervistë për CNN . “Popullsia është e shqetësuar, ka nga ata që kanë gati valixhen dhe pasaportën për një arratisje të mundshme”, tha diplomati, duke siguruar se Shtetet e Bashkuara janë vigjilente.

Hungaria duket se nuk do të jetë në unison me vendet anëtare të Bashkimit Europian përsa i përket sanksioneve të reja ndaj Rusisë.

“Të papranueshëm dhe shkatërrimtare për ekonominë e Hungarisë” e ka cilësuar Sekretari i Shtetit për Komunikim dhe Marëdhëniet Ndërkombëtare të Ukrainës paketen e re të sanksioneve të propozuara nga presidentja e Komisionit Europian Ursula von der Lyen ditën e sotme.

“Hungaria do të vendosë veton ndaj propozimit të BE-së për të ndaluar importet e naftës ruse. Në fund të ditës duhet të kujtoni sërish se si funksionon Bashkimi Evropian. Propozimi vjen nga Brukseli që është qendra administrative, burokratike e Bashkimit Evropian dhe jo nga shtetet anëtare. Një propozim i tillë është i papranueshëm dhe që do e shkatërronte ekonominë Hungareze. Ata e dinë saktësisht se ajo që ata propozojnë është kundër interesave hungareze, është kundër mundësisë që është e realizueshme në terren dhe nëse e bëjmë këtë do ta shkatërrojmë plotësisht ekonominë hungareze”, tha Zoltan Kovacs.

"Ne jemi gjithmonë të hapur ndaj sanksioneve të reja kundër Rusisë, unë do të flas me liderët e G7 këtë javë për të parë hapat e ardhshëm që do të ndërmerren." Këtë e tha në Shtëpinë e Bardhë presidenti amerikan, Joe Biden.

Sekretari i Këshillit të Sigurisë Kombëtare të Ukrainës, Oleksiy Danilov, tha se lufta në Ukrainë do të jetë "e gjatë" dhe se agresioni rus nuk do të përfundojë në maj.

"Nëse flasim për këtë pjesë të fazës së nxehtë të luftës, nuk jam optimist se do të përfundojë në maj. Kjo do të jetë një luftë e gjatë dhe do të vazhdojë në territorin tonë," tha Danilov, duke theksuar se fundi i lufta varet nga shumë faktorë.

"Para së gjithash, kjo varet nga ushtria jonë. Dhe kjo varet nga partnerët tanë, ne duhet ta njohim dhe duhet të flasim për këtë. Sepse pa mbështetjen e partnerëve tanë, do të ishte shumë e vështirë për ne që të frenonim rusët”, shpjegoi sekretari.

Presidenti gjerman Frank-Walter Steinmeier tha se ishte gati të fliste personalisht me homologun e tij ukrainas Volodymyr Zelensky dhe premtoi më shumë ndihmë nga Berlini në Kiev. Duke folur nga Bukureshti, Steinmeier tha se "gjermanët mbështesin Ukrainën me gjithë zemër".

Bashkimi Europian ka sanksionuar patriarkun Krill me argumentin se është përgjegjës për mbështetjen ose zbatimin e veprimeve e politikave që minojnë ose kërcënojnë integritetin territorial, sovranitetin dhe pavarësinë e Ukrainës, si dhe stabilitetin dhe sigurinë në Ukrainë.

“Përveç kësaj, ai mbështet qeverinë ruse dhe vendimmarrësit përgjegjës për aneksimi i Krimesë dhe destabilizimi i Ukrainës”. Kështu shkruhet në njoftimin e BE-së për paketën e gjashtë të sanksioneve kundër Rusisë që po diskutohet në Bruksel.

Ukraina nuk do të mund të bëhet pjesë e Bashkimit Evropian përmes një procedure të përshpejtuar. Kështu ka deklaruar ministrja austriake për çështje europiane, Karoline Edstadler.

"Do ishte një proces i gjatë, i cili nuk përfundojë në pesë apo dhjetë vitet e ardhshme. Disa shtete të Ballkanit Perëndimor kanë pritur me dekada për hapin tjetër, nuk mund të ketë procedurë të përshpejtuar për Ukrainën", tha Edstadler.

Raketat ruse goditën nënstacionet elektrike në Lviv gjatë mbrëmje të së martës duke shkaktuar dëme dhe duke lënë pa energji disa pjesë të qytetit perëndimor të Ukrainës.

Imazhet tregojnë shkallën e lartë të dëmit të shkaktuar dhe është si një shëmbëlltyrë e dhimbshme e asaj që po ndodh në Ukrainë që nga nisja e pushtimit rus.

Presidenti ukrainas Volodymyr Zelensky ka thënë se ka përfunduar faza e parë e luftës ndërsa në fazën e dytë pretendon se Ukraina do të dëbojë trupat ruse nga territori i saj. Për fazën e tretë shprehet se do të rivendosë integritetin e saj territorial.

Zelensky tha se nuk do të pranonte një marrëveshje armëpushimi që do të lejonte forcat ruse të qëndrojnë në pozicionet e tyre aktuale.

"Është për të ardhur keq që një muaj e gjysmë pas bisedës me Patriarkun Kirill, Papa Françesku ka zgjedhur tonin e gabuar për të përcjellë përmbajtjen e kësaj bisede", ky ishte komunikimi i Departamentit për Marrëdhëniet e Jashtme Kishtare të Kishës Ortodokse Ruse. Lajmi u bë i ditur nga Agjensia e Lajmeve Interfax.

Raportohet se ka 30 fëmijë të bllokuar në fabrikën e çelikut “Azovstal” në qytetin e rrethuar të Mariupolit në jug të vendit. Lajmi u bë i ditur nga deputetja ukrainase Kira Rudik.

Ajo tha gjithashtu se ka pasur 20 përpjekje për t’i evakuuar njerëzit nga fabrika, por pa sukses.

“Mund të imagjinoni lotët tanë kur grupi i parë u shpëtua, objektivi kryesor tani është të bëhet një vlerësim i të gjithë fëmijëve që janë ende në fabrikë, së bashku me gratë, të moshuarit dhe ushtarët e plagosur. Hapi më i ndërlikuar ka të bëjë me ushtarët e plagosur sepse Rusia nuk i lejon të dalin jashtë”, tha Rudik.

Deputetja ukrainase tha gjithashtu se dje 156 persona arritën të largoheshin nga qyteti për të mbërritur në Zaporizhzhia.

Më shumë se 5.6 milionë njerëz janë larguar nga Ukraina që nga fillimi i pushtimit rus në fund të shkurtit.

Shifrat u bënë të ditura nga Komisioneri i Lartë i Kombeve të Bashkuar për Refugjatët.

Gjithashtu sipas raportit të fundit të Organizatës Ndërkombëtare për Migracionin (IOM), të paktën 7.7 milionë njerëz të zhvendosur brenda vendit në Ukrainë janë të detyruar të ikin nga shtëpitë e tyre.

Gjatë një konference për shtyp Zëdhënësi i Komisionit Evropian Eric Mamer u shpreh se sanksionet janë tepër të rëndësishme dhe kanë arritur rezultate, por të vetme, ato nuk do munden dot t’i japin fund luftës.

“Të vetme sanksionet nuk do t'i japin fund konfliktit, por do të luajnë një rol shumë të rëndësishëm. Ato janë në përputhje me vendimet që BE-ja është në gjendje të marrë, ne jemi një organizatë me përgjegjësi të caktuara, para së gjithash në sferën ekonomike. Mendojmë se sanksionet kanë arritur shumë rezultate”, gjatë një konference për shtyp",  tha Mamer.

Nuk ka marrëveshje për një takim mes Presidentit rus, Vladimir Putin dhe Papa Françeskut. Kështu deklaroi sot zëdhënësi i Kremlinit, Dmitry Peskov, duke shtuar se nisma të tilla duhet të kalojnë përmes shërbimeve diplomatike. Në fillim të kësaj jave, në një intervistë për 'Corriere', Papa shprehu gatishmërinë e tij për të shkuar në Moskë për të takuar Putinin dhe për të dhënë një kontribut për një zgjidhje të konfliktit në Ukrainë.

Rusia nuk ka ndërmend t'i shpallë zyrtarisht luftë Ukrainës dhe për rrjedhojë mobilizimin e përgjithshëm me rastin e përvjetorit të 9 majit të fitores ndaj nazistëve në Luftën e Dytë Botërore. Kështu deklaroi zëdhënësi i Kremlinit, Dmitry Peskov.

"Ne nuk shohim ndonjë përparim në bisedimet me Ukrainën," shtoi ai.

Kremlini thotë po ashtu se forcat ruse nuk kanë sulmuar fabrikën e çelikut në Mariupol, duke kujtuar se vetë presidenti Putin "ka lëshuar publikisht një urdhër për të anuluar sulmin".

"Ne nuk shohim ndonjë përparim në bisedimet me Ukrainën", tha zëdhënësi i Kremlinit Dmitry Peskov, sipas raporteve të Tass. 

Kujtojmë se një bisedim serioz mes palëve ka kohë që nuk është bërë.

"Mariupol është nën kontrollin e ushtrisë ruse", kështu tha ministri rus i Mbrojtjes Sergei Shoigu , duke shtuar se "paqja fillon në qytet".

Rusia i ka ndaluar hyrjen në vend kryeministrit japonez dhe 62 shtetas japonezë, Fumio Kishida. Lajmi u dha nga Ministria e Jashtme ruse.

Pas deklaratave të Ministrit të Jashtëm rus Sergej Lavrov të cilat sollën një mosmarrëveshjeje në nivel diplomatik me Izraelin, Zëdhënësja e Ministrisë së Jashtme ruse Maria Zakharova deklaroi ditën e sotme se në fabrikën e çelikut në Mariupol duke luftuar përkrahë ukrainasve ka dhe mercenarë izraelit.

“Në Ukrainë, krah për krah me njësitë e Batalionit Azov, ukrainasit po luftojnë me mercenarë nga Izraeli, politikanët izraelitë ndoshta nuk duan ta dinë, ndoshta nuk janë të interesuar", tha Zakharova.

Presidenti Izraelit Isaac Herzog ka reaguar ndaj deklaratave të Ministrit të Jashtëm rus Sergej Lavrov i cili tha se edhe Hitleri kishte origjinë hebreje. Herzog i ka quajtur deklaratat e Lavrov si gënjeshtra të tmerrshme dhe kërkon që Rusi të kërkojë falje.

“Në javën në të cilën kujtojmë Holokaustin, ministri i Jashtëm rus Lavrov zgjedh të përhapë gënjeshtra, gënjeshtra të tmerrshme, që kanë erë antisemitizmi. Pres që të tërhiqni fjalët tuaja dhe të kërkoni falje”, tha Herzog.

Trupat ruse bombarduan rajonin Sumy gjatë natës, duke goditur gjithashtu një shkollë dhe shumë infrastruktura.

Lajmi u bë i ditur nga Kreu i Administratës ushtarake të Sumy Dmytro Zhyvytskyi i cili tha se rreth orës 3 të mëngjesit rusët qëlluan shkollën e komunitetit Esman, me dy të shtëna nga një helikopter dhe dy të tjera nga toka. Midis orës 6 dhe 7 të mëngjesit, bombardimet e artilerisë shënjestruan Gradivin, përgjatë kufirit pranë Yunakivka.

Në një lëvizje që mund të paralajmërojë një zgjerim të afërt të konfliktit, forcat e armatosura të Bjellorusisë kanë nisur stërvitje të lehta ushtarake të "forcave të reagimit", sipas zyrës së shtypit të Ministrisë së Mbrojtjes bjelloruse të cituar nga agjencia Tass.

Sipas asaj që u komunikua, testet “do të përfshijnë lëvizjen e një numri të konsiderueshëm mjetesh ushtarake” dhe “nuk do të paraqesin kërcënim për vendet fqinje apo për Evropën në përgjithësi”.

Këto janë lëvizje që nuk sigurojnë as Ukrainën dhe as komunitetin ndërkombëtar. Bjellorusia është e lidhur ngushtë politikisht me Rusinë. Disa orë para njoftimit, presidenti rus Putin dhe bjellorusi Lukashenko biseduan në telefon për të diskutuar mbi "situatën në kontekstin e operacionit të posaçëm ushtarak që po zhvillohet për të mbrojtur Donbasin".

Presidentja e Komisionit Evropian Ursula von der Leyen i ka dhënë detaje Parlamentit Evropian për një paketë të gjashtë sanksionesh që synojnë ekonominë e Rusisë, ushtrinë dhe propagandën e saj. Ajo tha se Vladimir Putin i Rusisë donte të fshinte Ukrainën nga harta dhe nuk do t'ia dilte mbanë dhe ishte vendi i tij që po fundosej.

“Tani ne përballemi me varësinë tonë nga nafta ruse. Më lejoni të jem e qartë, nuk do të jetë e lehtë. Disa shtete anëtare varen shumë nga nafta ruse. Tani ne po propozojmë një ndalim të naftës ruse. Kjo do të jetë një embargo totale e importit për të gjithë naftën ruse , detar dhe tubacion, bruto dhe të rafinuar”, tha presidentja e Komisionit Evropian në fjalimin e saj.

"Ne do të sigurohemi që të heqim dorë nga nafta ruse në mënyrë të rregullt, në mënyrë që ne dhe partnerët tanë të sigurojmë rrugë alternative të furnizimit dhe të minimizojmë ndikimin në tregjet globale. Kjo është arsyeja pse ne do të heqim gradualisht furnizimin me naftë bruto nga Rusia brenda gjashtë muajve dhe me produkte të rafinuara deri në fund të vitit. Prandaj, ne maksimizojmë presionin ndaj Rusisë duke minimizuar dëmin kolateral ndaj nesh dhe partnerëve tanë në mbarë botën. Sepse për të ndihmuar Ukrainën, ekonomia jonë duhet të mbetet e fortë. Ne duam që Ukraina të fitojë këtë luftë. Por ne duam gjithashtu të krijojmë kushtet për suksesin e Ukrainës pas luftës. Hapi i parë është mbështetja e menjëhershme. Kjo është një mbështetje ekonomike afatshkurtër për të ndihmuar ukrainasit të përballen me pasojat e luftës, siç bëjmë me paketën tonë të ndihmës makro-financiare dhe mbështetjen e drejtpërdrejtë për buxhetin e Ukrainës", shpjegoi ajo.

Rusia ka vjedhur 400,000 ton grurë nga territoret e pushtuara përkohësisht të Ukrainës, sipas zëvendësministrit ukrainas të Bujqësisë Taras Vysotsky. Sipas Vysotsky, kjo është rreth një e treta e të gjitha rezervave të grurit në rajonet Zaporizhzhia, Kherson, Donetsk dhe Lugansk. Dhe nëse kjo vjedhje vazhdon, thotë zëvendësministri, këto rajone mund të përballen me zi buke.

Humbjet në radhët ruse që nga dita e sulmit të Moskës ndaj Ukrainës më 24 shkurt të kaluar do të arrinin në 24.500. Kjo bëhet e ditur nga buletini ditor i Shtabit të Përgjithshëm të Forcave të Armatosura të Ukrainës, i cili raporton shifra që nuk mund të verifikohen në mënyrë të pavarur.

Australia ka vendosur sanksione ndaj 76 politikanëve të tjerë rusë dhe 34 zyrtarëve të qeverisë 'kukull' të instaluar në rajonet separatiste Donetsk dhe Lugansk të Ukrainës. Ministri i Jashtëm Australian Marise Payne tha sot. "Këta individë kanë shkelur sovranitetin dhe integritetin territorial përmes pohimit të autoritetit të tyre qeveritar mbi zonat e Ukrainës pa autorizimin e qeverisë së Kievit," tha Payne.

Raportohet se të paktën tre raketa ruse kanë goditur termocentralet rreth qytetit perëndimor të Lvivit, pranë kufirit me Poloninë. Disa lagje të qytetit janë pa energji elektrike dhe ujë për shkak të sulmit që fillimisht besohej se kishte për qëllim rrjetin hekurudhor të Ukrainës.

Policia Kombëtare e Ukrainës publikoi foto të pasojave të sulmit në uzinën në Avdiivka. Trupat ruse goditën një grup punëtorësh që po hipnin në autobus pas përfundimit të turnit. Kreu i administratës rajonale të Donetskut Pavel Kirilenko tha se të paktën 10 njerëz u vranë.

Shërbimi i Sigurisë së Ukrainës (Sbu) pretendon se ka përgjuar një komunikim midis një ushtari rus dhe një miku të tij, në të cilin thotë se ushtria ruse ka humbur më shumë jetë ushtarësh në Ukrainë, sesa në katër vjet në Çeçeni. Në audio, ushtari shpreh pakënaqësinë që anëtarët elitë të Gardës Kombëtare Ruse Rosgvardiya dhe Forcave Speciale të Policisë Omon janë larguar nga Ukraina. 

‘Janë të padobishëm’ thotë ai. ‘Ata po kthehen. Të gjithë këta luftëtarë 'fantastikë' të forcave speciale që kishim janë tërhequr të gjithë, kanë ikur në Rusi dhe po refuzojnë të vazhdojnë.' Numri i ushtarëve rusë që vdiqën në Ukrainë është një mister. 

Burimet zyrtare ruse folën për humbje të mëdha, por asnjëherë nuk dhanë një shifër të saktë, edhe pse në mes të marsit tabloidi rus Komsomolskaya Pravda publikoi dhe më pas hoqi një raport që Ministria e Mbrojtjes kishte regjistruar 9861 viktima. Sipas vlerësimeve të NATO-s, Rusia ka humbur të paktën 15,000 ushtarë, ndërsa për analistët e qeverisë ukrainase, kane humbur jetën 22,000 ushtarë.