POP 5

Lajmet më të lexuara të 5 minutave të fundit

Politikë

700 legalizime në Durrës,Meta:Ishmi
potencial, Lame:Mbajtëm premtimin

Kryetari i Kuvendit, Ilir Meta mori pjesë ceremoninë e dorëzimit të 700 lejeve të legalizimit në Ishëm të Durrësit ku duke folur për zonën e Ishmit ai e ka konsideruar si një potencial të madh zhvillimi ekonomik për vendin.  VIDEO  FOTO
700 legalizime në Durrës,Meta:Ishmi<br />potencial, Lame:Mbajtëm premtimin
Kryetari i Kuvendit, Ilir Meta mori pjesë ceremoninë e dorëzimit të 700 lejeve të legalizimit në Ishëm të Durrësit ku duke folur për zonën e Ishmit ai e ka konsideruar si një potencial të madh zhvillimi ekonomik për vendin.

Kryetari i Kuvendit theksoi se kjo zonë ka një potencial të madh zhvillimi dhe me legalizimin e ndërtimeve hidhen disa hapa mjaft të rëndësishëm. Meta u shpreh se kjo zonë do të ketë edhe një mbështetje më të madhe në fushën e turizmit apo bujqësisë.

“Do të jemi në dialog të vazhdueshëm me ju për të mbështetur edhe hapat e tjerë mjaft të rëndësishëm për zhvillimin e Ishmit sikurse është procesi i urbanizimit, por edhe zhvillimi i bujqësisë, i turizmit, mbrojtja mjedisit. Këto janë jetike për mirëqenien tuaj dhe njëkohësisht të kemi në konsideratë që Ishmi është një zonë me mjaft emër. Është një zonë e cila është e lidhur me një emër të madh të kulturës tonë kombëtare, por edhe ndërkombëtare si Ibrahim Kodra, por ka patur dhe mjaft personalitete të tjera. Prandaj të punojmë të gjithë me dashuri dhe me përkushtim për të ardhmen e Ishmit dhe unë besojë në bashkëpunimin tuaj në këtë drejtim”, - u shpreh ndër të tjera Kryetari i Kuvendit, Ilir Meta.

Ai falënderoi drejtuesit e ALUIZNI-t për punën e madhe që kanë bërë brenda një kohe shumë të shkurtër ku u shpreh se komuniteti i Ishmit duhet të ndërgjegjësohet më shumë për të mos dëmtuar vlerat dhe potencialet turistike dhe mjedisore që kjo zonë ka.

“Dua të përshëndes Lamen, Drejtorin e Përgjithshëm të ALUIZNI-t dhe Gjuzi, Drejtorin e ALUIZNI-t Durrës për punën e madhe që është bërë, sepse vërtetë në pak kohë është bërë ajo që nuk është bërë në 8 vite. Aq më tepër që kemi të bëjmë me legalizimin e pronave tuaja në një vend që ka shumë vlerë dhe që do të ketë akoma më shumë vlerë pas një procesi të suksesshëm të urbanizmin për të cilin edhe vetë komuniteti duhet të ndërgjegjësohet edhe më shumë. Është shumë e rëndësishme për të ardhmen të mos dëmtojmë vlerat dhe potencialet turistike dhe mjedisore të Ishmit. Sepse vërtetë është një bukuri përrallore për të përjetuar atë bukuri të jashtëzakonshme që ka riviera jonë në Jug duhet të shkosh 3-4 orë nga Tirana. Të njëjtën gjë mund ta përjetosh vetëm për 20 minuta nga Tirana po të vish në Ishëm”, - tha  Meta.

Ndërsa, Drejtori i Përgjithshëm i ALUIZNI-t,  Artan Lame, tha se procesi i legalizimeve nuk është thjesht një çështje numrash, por rëndësi ka fakti që kjo mazhorancë po e mban fjalën e dhënë shqiptarëve.

“Askush nuk mund të konkurrojë atë që u bë gjatë 3 viteve të kësaj qeverie me sa janë bërë më përpara. Tani të gjithë shqiptarët e dinë që legalizimet do bëhen dhe se kjo qeveri e mbajti fjalën. Sfida jonë në të ardhmen, sfidë që fillon dhe këtu në Ishëm, le të themi që nga dita e sotme ku mbyllet kjo pjesë është urbanizimi i këtyre zonave vërtet ju dhamë lejen e legalizimit, u dhamë dokumentin në dorë, por çfarë ndodh pas kësaj. Vërtetë që kjo pronë hyn në kolateral. Mund të përdoret për gjithçka, por më e rëndësishme është se çfarë ndodh më mbrapa tani, në pjesën që ka të bëjë me urbanizimin këtyre zonave dhe me sistemin e jetës së tyre”, - tha Lame, ndërsa theksoi se në këtë zonë legalizimi është bërë falas duke qenë se banorët kanë ndërtuar në tokën e tyre.
 
Në këtë aktivitet ishin të pranishëm Ministri i Mjedisit, Lefter Koka, Drejtori i Përgjithshëm i ALUIZNI-t, Artan Lame, Drejtori i ALUIZNI-t Durrës, Flamur Gjuzi, etj.

[gallery]19285[/gallery]

Redaksia Online
(F.T/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Durrës/ Lëvizte me kanabis në makinë gati për shitje, në pranga 22 vjeçari

Durrës/ Lëvizte me kanabis në makinë gati për shitje, në pranga 22 vjeçari

25 Nëntor, 11:34