POP 5

Lajmet më të lexuara të 5 minutave të fundit

Kronikë

700 marinsa amerikanë
mbërrijnë në Durrës

Afro 700 marinsa amerikanë mbërritën sot paradite në brigjet e Adriatikut. Anija ushtarake të Shteteve të Bashkuara të Amerikës "USS GUNSTON HALL" (LSD-44), me gjatësi 185.7 metra dhe gjërësi 25.6 metra, u ankorua pa vështirësi në kalatën 5 të portit të Durrësit.
DURRES-Afro 700 marinsa amerikanë mbërritën sot paradite në brigjet e Adriatikut. Anija ushtarake të Shteteve të Bashkuara të Amerikës "USS GUNSTON HALL" (LSD-44), me gjatësi 185.7 metra dhe gjërësi 25.6 metra, u ankorua pa vështirësi në kalatën 5 të portit të Durrësit.
Anija do të qëndrojë deri në 27 prill 2012. Sipas vendimit zyrtar të qeverisë shqiptare I cili u mor më 18 prill, hyrja, qëndrimi dhe dalja e forcës ushtarake amerikane bëhet në portin e Durrësit. Leja e hyrjes dhe qëndrimit të përkohshëm të forcës ushtarake amerikane jepet për periudhën 24 prill 2012 deri në 27 prill 2012. Sipas qeverisë shqiptare qëllimi i qëndrimit të përkohshëm të kësaj force ushtarake amerikane është për vizitë portuale.

VIZITA
Trupat amerikane gjatë hyrjes, qëndrimit dhe daljes nga territori i Republikës së Shqipërisë do të kenë statusin e parashikuar në marrëveshjen ndërmjet palëve të Traktatit të Atlantikut të Veriut, për statusin e forcave, nënshkruar në Londër, më 19 qershor 1951, dhe të ratifikuar nga Kuvendi i Republikës së Shqipërisë me ligjin nr.10101, datë 26.3.2009, si dhe statusin e parashikuar në marrëveshjen plotësuese, ndërmjet qeverisë së Republikës së Shqipërisë dhe qeverisë së Shteteve të Bashkuara të Amerikës, të marrëveshjes mes shteteve palë në Traktatin e Atlantikut të Veriut dhe të shteteve të tjera pjesëmarrëse në partneritetin për paqe lidhur me statusin e forcave të tyre, “Mbi statusin e forcave të Shteteve të Bashkuara të Amerikës në Republikën e Shqipërisë”, nënshkruar në Tiranë më 31.3.2004, dhe të ratifikuar nga Kuvendi i Republikës së Shqipërisë me ligjin nr.9246, datë 24.6.2004.Gjatë hyrjes, qëndrimit dhe daljes nga territori i Republikës së Shqipërisë trupat amerikane të shoqërohen nga njësi të armatosura të Forcave të Armatosura të Republikës së Shqipërisë.
(jd/sg/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52