7.8 milionë dollarë, shiten fanellat që Lionel Messi veshi në finalet e 'Katar 2022'! Michael Jordan mban rekord

7.8 milionë dollarë, shiten fanellat që Lionel Messi veshi në finalet e 'Katar 2022'! Michael Jordan mban rekord

Lionel Messi

Gjashtë nga fanellat origjinale që Lionel Messi veshi në finalet e Botërorit 2022 në Katar janë shitur për 7.8 milionë dollarë në një ankand të zhvilluar në New York. Kjo shumë e ofruar nga një person anonim do shkojë për Spitalin Pediatrik "Saint Joan de Deu" në Barcelonë.

Messi ishte kapiten i Argjentinës në turnen e fituar ndaj Francës me penallti në finale. Gjashtë fanellat ishin të pjesës së parë të finales, gjysmëfinales, çerekfinales, të 1/16-tës dhe dy ndeshjeve në grup. Rekordi për një fanellë futbolli të veshur gjatë një ndeshje ishte ajo që njihet si “Dora e Zotit” e Diego Aramndo Maradona, e cila u shit për 7.1 milionë funte në 2022.

“Një pjesë e të ardhurave nga ankandi do t’i dhurohet Projektit Unicas, të udhëhequr nga Spitali i Fëmijëve Sant Joan de Deu Barcelona me mbështetjen e Fondacionit Leo Messi, për të përmbushur nevojat të fëmijëve që vuajnë nga sëmundje të rralla”, ka thënë njëri nga organizatorët e ankandit.

Rekord për një fanellë të veshur nga një sportist dhe të shitur në ankand i përket ikonës Michael Jordan. Fanella e tij e finaleve të NBA më 1998 u shit për 10.1 milionë dollarë dhe mbetet e paarritshme në renditjen e veçantë të këtyre ankandeve. Nëse Messi nuk mundi ta mposhtte legjendën e NBA, duket e vështirë për dikë tjetër që ta bëjë këtë.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet Rama të pranojë një qeveri teknike siç pretendon Sali Berisha?



×

Lajmi i fundit

Eh sa shumë shërbime ju bëjnë 'Atyre'!

Eh sa shumë shërbime ju bëjnë 'Atyre'!