POP 5

Lajmet më të lexuara të 5 minutave të fundit

Kultura

8 ‘Ditët e Kujtesës’, totalitarizmi sipas diplomatëve! Shqipëria në vitin 1969 kishte 830 fëmijë të internuar! Dëshmitë: Fëmijët vdisnin në kampe

Për të sensibilizuar për krimet që ndodhën gjatë regjimeve totalitare, për 8 ditë me radhë, deri në 28 shkurt do të mbahen një seri aktivitetesh. Dy ditët e para nisin me diskutime, ku përfshihen diplomatët e huaj, dhe me ekspozitë dedikuar fëmijëve të internuar

U zgjodh 20 shkurti, për të nisur “Ditët e kujtesës” në vend. Akti i rrëzimit të shtatores së diktatorit Enver Hoxha 32 vite më parë, simbolikisht mbyll regjimin totalitar shqiptar e nis të reflektohet mbi krimet që u bënë.

Një panel të diskutimi me të ftuar diplomatë, historianë e artistë përballi gjatë Ditës së Parë të Kujtesës, të shkuarën totalitare, duke e krahasuar me eksperiencat e dhimbshme të vendeve të tjera, dhe mësimet e pamarra, parë rastin e luftës në Ukrainë, që ende vijon.

Ndërsa paraditen e së martës u çel pranë Muzeut Historik, ekspozita “Fëmijët pas telave”, për të kujtuar pasojat e krimeve të diktaturës ndaj fëmijëve, ku sipas statistikave të mbledhura vetëm në vitin 1969, numri i fëmijëve të internuar nën 16-vjeç, arrinte në 830 vetë. Një prej tyre është Ilir Çullhai, i cili lindi në internim në kampet e Lushnjës.

Gjergj Hani, i dënuar në moshën 16 vjeçare ka vuajtur dënimin për 5 vjet në burgun e Qafë Barit. Ai kërkon që krimet e diktaturës, si pjesë e hidhur e historisë së këtij vendi, të faktohen.

Deri në 28 shkurt, Instituti per Demokraci, Media dhe Kulturë me Fondacionin "Konrad Adenauer", Institutin e Studimit te Krimeve dhe Pasojave te Komunizmit, do të mbajë një seri aktivitetesh për të sensibilizuar opinionin publik mbi regjimet totalitare.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

30 Janar, 09:06