TEKSAS- Travis Scott dhe Drake do të përballen me ligjin pas një padie që kanë ngritur dy nga pjesëmarrësit që mbetën të plagosur dy ditë më parë gjatë koncertit tragjik të dy këngëtarëve në Teksas, ku u shënuan 8 viktima dhe rreth 300 të plagosur.
Kristian Paredes, 23-vjeç, akuzon dy këngëtarët se kanë nxitur turmën duke shkaktuar kështu trazira dhe dhunë. Paredes pretendon se klubi ku po zhvillohej koncerti 'Live Nation', nuk arriti të ofrojë shërbimet e duhura mjekësore dhe ato të sigurisë. Ai kërkon nga padia 1 milionë dollarë dëmshpërblim.
"Shumë iu kërkuan rojeve të sigurisë nga 'Live Nation Entertainment' ndihmë, por u injoruan," thotë ai.
Ndërkohë, një tjetër padi është ngritur nga një tjetër pjesëmarrës, Manuel Souza i cili kërkon gjithashtu 1 milionë dollarë dëmshpërblim. Souza ka paditur Travis Scott, klubin 'Live Nation' dhe promovuesin e koncerteve 'Scoremore'. Souza thotë se ka pësuar dëmtime trupore në momentin kur turma e rrëzoi në tokë atë dhe e shkeli me këmbë.
Në një deklaratë pas ngjarjes tragjike, Scott tha se po punonte për të ndihmuar familjet e viktimave, ku më i riu prej tyre ishte vetëm 14 vjeç, por dy këngëtarët nuk kanë komentuar mbi padinë. As përfaqësues të 'Live Nation' nuk kanë komentuar mbi padinë, por kanë bërë me dije se po bashkëpunojnë me autoritete lokale për t'iu vënë atyre në dispozicion çdo informacion për hetimet.
Avokati amerikan Ben Crump njoftoi të dielën se ai po përfaqësonte në Gjykatë edhe qytetarë të tjerë që u plagosën gjatë koncertit.
"Ne do të ndjekim drejtësinë për të gjithë klientët tanë që u dëmtuan në këtë ngjarje tragjike dhe të parandalueshme," tha Crump.
Nuk është hera e parë që Scott përballet me veprime ligjore për një koncert. Në vitin 2018, ai u deklarua fajtor për një akuzë për trazira pasi u akuzua për nxitjen e njerëzve që të nxitonin në skenë gajtë një koncert në shtetin amerikan të Arkansas. Sipas një gazete lokale, ai gjithashtu pagoi gati 7.000 dollarë për dy persona që e paditën pasi u plagosën gjatë koncertit.
Komente
Lajme të tjera
-
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Ish-diplomati amerikan paralajmëron: SHBA-ja nuk do të ketë më qasje tradicionale ndaj Kosovës dhe Serbisë
26 Dhjetor, 15:27 -
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03
