Deputeti demokrat, Ervin Salianji ka deklaruar sot përmes një deklarate për shtyp se denoncimi i dy muajve më parë i forcës së tij politike, se njerëzit rrëmbehen në Vlorë dhe zhduken pa lënë gjurmë, rezulton cdo ditë e më shumë i vërtetë. Salianji u shpreh se policia nuk po bën asnjë përpjekje për të hetuar këto akte mafioze e konkretisht zhdukjen e personave të përfshirë në trafik droge.
Duke u bazuar edhe tek shifrat dhe dëshmitë që ka transmetuar emisioni 'Top Story', Salianji tha se pohimi i Prokurorisë se numri i të zhdukurve në 3 vjet është 80, është fals. Sipas deputetit demokrat, numri 80 përkon vetëm me numrin e denoncimeve që familjarët kanë bërë në polici për të afërmit e tyre.
Ai citoi ndër disa dëshmi edhe atë të babait të Mario Metushit, të zhdukurit në 16 qershor 2017, për të argumentuar pohimin se policia është bashkëpunuese e ngushtë e bandave të krimit. “Sa herë shkoja në polici për të denoncuar zhdukjen e djalit, më merrnin në celular dhe më thoshin, pse ke shkuar në polici? – citoi Salianji babain e Metushit.
Salianji u shpreh më tej se ajo çka i bashkon këto dëshmi është fakti se familjarët i bëjnë të gjitha denoncimet në Policinë e Fierit, sepse sipas tij, deklarojnë se jo vetëm nuk kanë besim por kanë frikë të shkojnë në Policinë e Vlorës.
Dëshmitë e familjarëve tregojnë se të afërmit e tyre ishin të përfshirë në trafik droge, por lidhja e bandave me drejtuesit e lartë të policisë ka ndaluar hetimet.
Ky është realiteti i botës së errët kriminale me policinë bashkëpunëtore në fshehje vrasje dhe krim pikërisht në zonën elektorale të KM Rama. Kjo është situata në shumicën e qyteteve të Shqipërisë, ku krimi ka marrë revansh ndaj shtetit, sepse bashkëpunëtor kryesor ka kryeministrin e vendit Edi Rama. Vendi është në emergjencë kombëtare, prandaj është jetik ndarja e politikës nga krimi nëpërmjet vetingut të politikanëve, duke nisur që nga kreu i qeverisë.
Ervin Salianji, Deputet i Partisë Demokratike
Në përfundim të fjalës së tij, Salianji garantoi se Partia Demokratike do t'i shtypë me forcën e ligjit bandat dhe kriminelët dhe do të kthejë rendin dhe sigurinë. "Do të bëjmë gjithçka për rihapjen e hetimeve për zhdukjen e 80 personave për të vënë në vend drejtësinë e munguar!"- premtoi ai.
Lajme të tjera
-
Festat e fundvitit, policia rrit masat e sigurisë! Shtohet prezenca policore në pedonale, objekte kulti dhe sheshe publike në të gjithë vendin
24 Dhjetor, 13:25 -
Protesta e opozitës, Ervin Salianji reagon nga qelia nr.6: Rama ka bllokuar jo vetëm rrugët e Tiranës, por edhe të Shqipërisë
23 Dhjetor, 19:15 -
Proda takohet me drejtuesit e rinj të komisariateve dhe u lë porosi: Angazhim maksimal për parandalimin e krimit dhe zbatim i ligjit!
21 Dhjetor, 15:11 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Ervin Salianji: Rama si Hibatullah Akhundzada! Për kushtetutë imponon karakterin e tij, për qeveri personalitetin e tij
15 Dhjetor, 14:01
-
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47 -
PD feston 34-vjetorin, Berisha ‘thur lavde’ për dhëndrin, Metën dhe ish-‘miqtë’ e tij të ndjerë Olldashi, Pashko, Hajdari dhe Bogdani
11 Dhjetor, 20:57
