​Balla-Kryemadhit: Bën opozitë
për drejtoritë që drejton LSI

ELBASAN-Një ditë pasi Monika Kryemadhi e LSI u shpreh dje me kritika duke thënë se në Librazhd nuk ka ujë, ndërsa qeveria flet për reforma, sot ka i është kundërpërgjigjur socialisti Taulant Balla.

I pyetur nga gazetarët, deputetit i PS-së në Librazhd ka përdorur ironinë, duke e quajtur LSI-në pjesë të opozitës. 
 
“S’e di cdo beje opozita ne qarqet e tjera po ne Elbasan ajo ka filluar fushaten! Do thoni ju qe mikja ime Monika nuk eshte opozite! Po e keni gabim, sepse Monika ben opozite edhe per dikasteret apo agjencite qe jane pergjegjesi e partise se saj ne qeveri. Ja per shembull, shkon ne Shushice e thote s'eshte bere asgje per bujqesine, nderkohe qe partneri yne ka edhe Ministrine edhe agjencine e pagesave per fermeret. Ose u thote ju ka lene qeveria pa uje, nderkohe qe drejtorine e ujesjellesit per ate zone e ka nje figure e partise se Monikes. Keshtu qe mos i'a qani hallin opozites, te pakten per Elbasanit, se ne Elbasan opozita ka filluar fushaten”, ka deklaruar Taulant Balla.
 
Reagimi i tij u shpërnda për mediat nga zyra e shtypit në Partinë Socialiste.

Dje Monika Kryemadhi ishte e pranishme në prezantimin e studimit të fizibilitetit të ujësjellësit të ri në Rrajcë të Prrenjasit.
"Ky projekt u jep një lloj entuziazmi banorëve të komunës Rrajcë, të cilës të mendosh që është një nga zonat më të bukura, por edhe më të varfra.
 Njëkohësisht mungesa e ujit, mungesa e infrastrukturës, e bën më të lodhur e më të drobitur si zonë."

Kjo eshte përplasja e radhës me deklarata mes PS-së dhe LSI-së në vazhden e shumë të tjerave si ajo me Tahirin e Luan Ramën, apo Kryemadhit me Nikollën.

(d.b/Shqiptarja.com)