Në sajë të zgjedheve të 25 qershorit, kandidati i parë në listën e PS në qarkun e Shkodrës, Ditmir Bushati ka qënë në Malësinë e Madhe sëbashku me kryeministrin Edi Rama, ku kanë zhvilluar me banorët e zonës në një takim elektoral.

Bushati gjatë fjalës së tij është shprehur se beteja e përbashkët është beteja kundër varfërisë, pasigurisë dhe padrejtësisë.

"Beteja juaj, si malësorë, nuk është me ata sharlatanë që garantojnë vota në çdo lloj zgjedhje përmes taktikave nga më të ndryshmet! Beteja jonë është beteja me varfërinë, është beteja me pasigurinë, është beteja me padrejtësinë, dhe prandaj kemi punuar këto vite nën drejtimin e Kryeministrit Edi Rama, me përkushtim, për disa reforma që janë të rëndësishme për shtetin, për disa reforma që do të japin impaktin e vet në ekonomi”, është shprehur Bushati. 

Redaksia Online
Er.K/Shqiptarja.com