ELBASAN- Një person është arrestuar ditën e sotme në Elbasan, pasi dyshohet se ka plagosur me thikë një person.

Sipas policisë Kujtim Pisha, 40 vjeç banues në Elbasan, në bashkëpunim me dy persona të tjerë, E.P., 19 vjeç dhe S.P., 22 vjeç, gjatë një konflikti për motive të dobëta, dyshohen se kanë goditur me sende të forta dhe me thikë 30-vjeçarin me inicialet P.T.

300vjeçari i plagosur është dërguar menjëherë për ndihmë mjekësore në Spitalin Kirurgjik Elbasan dhe ndodhet jashtë rrezikut për jetën.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale "Plagosja e lehtë me dashje, e kryer në bashkëpunim"
 
 Njoftimi i plotë i policisë:
Policia e Elbasanit arreston në flagrancë të dyshuarin që plagosi me thikë një shtetas gjatë një konflikti për motive të dobëta, identifikohen dhe shpallen në kërkim dy të tjerë
Specialistët për Krimet, në Komisariatin e Policisë Elbasan, bënë arrestimin në flagrancë të shtetasit:
Kujtim Pisha, 40 vjeç banues në Elbasan.
Ky shtetas, në Lagjen “Haxhias” në bashkëpunim me shtetasit E.P., 19 vjeç dhe S.P., 22 vjeç banues në Elbasan, gjatë një konflikti për motive të dobëta dyshohen të kenë goditur me sende të forta dhe me mjet të mprehtë (thikë) shtetasin P.T., 30 vjeç banues në Elbasan.
Shtetasi P.T, është dërguar menjëherë për ndihmë mjekësore në Spitalin Kirurgjik Elbasan dhe ndodhet jashtë rrezikut për jetën.
Policia, ka bërë shpalljen në kërkim dhe po punon intensivisht për kapjen e dy bashkëpunëtorëve të përfshirë në konflikt.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale "Plagosja e lehtë me dashje, e kryer në bashkëpunim", parashikuar nga nenet 89 dhe 25 të Kodit Penal.

Redaksia Online
j.Sh Shqiptarja.com