“Nuk doja ta vrisja Liljanën, por ajo më nxiu jetën që nga viti 2011 edhe kur u kthyem nga gjermania. Më ofendonte mua më dhunonte, më nxori nënën nga shtëpia dhe krimin u detyrova ta kryej për vetëmbrojtje ndaj ju lutem më mëshironi në dënimin tuaj”.

Me këto fjalë u drejtua gjykatës së krimeve të rënda pak para se të dënohej me burgim të përjetshëm Ferdinand Rukaj nga Fieri i akuzuar për vrasje për shkak të rrethanave familjare.

Rukaj do të kryej vetëm 35 vite burg pasi më parë atij i është pranuar gjykimi i shkurtuar duke shpëtuar në këtë mënyrë burgimit kapital.

Më 3 dhjetor 2016 Ferindna Ruko vrau ish-bashkëjetuesen Liljana Ruko pas një debate në familje, ndërsa pas krimit ai pranoi autorësinë duke deklaruar se kërkon që shteti të kujdeset për fëmijët e tij të mitur 5 dhe 8 vjeç.

Dënimi me 35 vite burgim nuk u prit mirë nga familjarët e Liljanës ku vëllai i saj la sallën duke u larguar me fjalët “turp për drejtësinë”.

“Dënimi turp është, është e padrejtë ajo ishte nën mbrojtjen e shtetit prisnim dënimin maksimal gjykata e mëshiroi dhe i dha dënimin minimal” u shpreh vëllai i viktimës.

Me ndryshimet në kodin e ri të procedurës penale nuk aplikohet më gjykimi i shkurtuar për krimet në familje duke mos ofruar më dhe shpëtimin nga burgimet e përjetshme siç ka ndodhur deri më tani.

ferdinand ruko
  (Ferdinand Ruko në Gjykatën e Krimeve të Rënda)