TIRANË-Momentet e mbrëmshme  kur tymuese e flakadanë janë hedhur në drejtim të kryeministrisë nga protestuesit e PD nuk janë kaluar në heshtje nga kryeministri Edi Rama.  

Ai ka reaguar përmes përgjigjes që i dha një komentuesi në Facebook.  

Një ndjekës në profilin e tij në FB i thotë të shkoja nga puna se protestuesit i vunë flakën.
 
Komentuesi: Oo figure shko andej nga puna se i vun flaken ata protestusit paqesor te viteve 97..Shko u thuaj mos te bejn pis atje para zyres
 
Rama: Luajne me kapsolla ata kur presin vaktin e darkes.
 
Simpatizantë të PD-së kanë hedhur fishekzjarrë dhe flakadanë në afërsi të Kryeministrisë mbrëmjen e djeshme.
 
Ky zhvillim erdhi pas thirrjeve të Berishës paradite për të shporrur Ramën nga kryeministria.

rama fb

Pas thirrjeve të Berishës, sulm kryeministrisë me flakadanë
Vetëm pak orë pasi ish-kryeministri Sali Berisha ashpërsoi tonet nga çadra, protestuesit kanë hedhur flakadanë drejt kryeministrisë.
 
Arsyet e këtij gjesti ende nuk janë konfirmuar, por siç shihet, situata tensionohet vetëm pak orë pas fjalimit të Berishës, i cili theksoi se kryeministri Rama nuk ka ndërmend të largohet nga qeveria ndaj dhe duhet ta qërojmë.
 
“Edi Rama nuk jep, dorëheqjen por ne duhet ta qërojmë që andej”- deklaroi dje në çadër ish-kryeministri.

(d.b/Shqiptarja.com)