​Lu: Politikanë dhe kriminelë do
përpiqen të vjedhin këto zgjedhje
"ShBA, BE, OSBE i kanë sytë këtu"

TIRANË- “Nëse nuk jemi syshqiponja, politikanë e krerë të krimit do vjedhin këto vjedhje”. Kështu iu drejtua sot medias,Shoqërisë Civile e ndërkombëtarëve ambasadori i SHBA-vë në Shqipëri, Donald Lu.

Kjo deklaratë tjetër e fortë e ambasadorit u bë në një konferencë për demokracinë shqiptare brenda deklaratës me akuzat që Lu adresoi ndaj Prokurorit të Përgjithshëm.

“Nëse ne, shoqëria civile, partnerët ndërkombëtarë dhe media nuk jemi sy shqiponja, politikanë, gjykatës, prokurorë të korruptuar dhe krerë të krimit do të përpiqen t’i vjedhin këto zgjedhje, reformën në drejtësi dhe gjithçka tjetër në ekonominë e vendit”.
 
Ai shtoi më tej se; “Këta persona janë veçanërisht të frikësuar nga vëzhguesit vendorë të zgjedhjeve dhe ata që mbrojnë demokracinë e drejtpërdrejtë.  Ju flisni shqip. Ju kuptoni kontekstin politik. Dhe keni mësuar marifetet e partive politike”.
 
Sipas Lu të jesh vigjilent në këto kushte nuk është pa kosto por as pa rreziqe.
“Ju të shoqërisë civile dhe të medias jeni rojtarët. Kjo nuk është detyrë për amatorë. Nuk është pa kosto. Nuk është pa rreziqe.  Që të keni efekt, ju duhet mbështetje politike dhe financiare. Ju duhet përvojë, besueshmëri dhe mbi të gjitha, ju duhet kurajo.

Populli shqiptar duhet t’i tregojë këtyre njerëzve të fuqishëm që po vëzhgon.  Partnerët ndërkombëtarë të Shqipërisë do t’i mbështesin përpjekjet e tyre”.
 
Ambasadori amerikan tha se, SHBA e BE do të vëzhgojnë me seriozitet situatën në Shqipëri.
“Mesazhi im sot është i qartë. Shtetet e Bashkuara i kanë sytë këtu, edhe Bashkimi Evropian dhe vendet e tij anëtare, edhe OSBE-ja, edhe Këshilli i Evropës. Më e rëndësishmja, populli shqiptar dhe shoqëria civile duhet të rrinë syhapur për të parandaluar që njerëz të fuqishëm ta vjedhin demokracinë tuaj”.

(d.b/Shqiptarja.com)

TAG:
• OSBE