​Trump largon ambasadorët politikë 
ndërsa Donald Lu qëndron në Tiranë

President i zgjedhur i SHBA, Donald Trump do të largojë të gjithë ambasadorët e emëruar nga presidenti aktual, Barack Obama. Stafi i Trumpit u ka kërkuar ambasadorëve të emëruar politikisht të lënë postet para Ditës së Përurimit të presidentit të ri. Ambasadori Donald Lu eshte ambasador karriere dhe jo politik, keshtuqe nuk preket nga ndryshimet qe ka kerkuar presidenti i ardhshem i SHBA Doland Trump. Nderkohe qe qellimisht mediat e Berishes nxitojne te njoftojne edhe largimin e Lu-se, ashtu siç bene me ish/ambasadorin Arvizu, ne momentin qe linja e Berishes nuk perkonte me linjen e drejte te SHBA.
 
Sipas disa diplomatëve amerikanë, familjarë me planin, ai nuk u lejon aspak kohë ambasadorëve për të marra masa, siç ka ndodhur prej dekadash.
 
Mandati rrezikon të lërë Shtetet e Bashkuara për disa muaj pa të dërguar të konfirmuar nga Senati në vende kritike, si Gjermania, Kanadaja dhe Britania e Madhe.

Dhe ndër diplomatët e parë të cilët konfirmojnë largimin janë ambasadori në Zelandën e Re Mark Gilbert dhe ai i Luksemburgut.

Ndër të prekurit e këtij dekreti janë ambasadori Stafford Fitzgerald Haney në Kosta Rika, Andrew H. Schapiro në Çeki; ambasadorja Denise Bauer në Belgjikë; si dhe Pamela Hamamoto, përfaqësuesja e përhershme në OKB.


John B. Emerson, ambasadori amerikan në Gjermani, përshëndet Presidentin Obama në nëntor në Berlin

Në të kaluarën, administratat nga të dyja partitë u kanë garantuar zgjatje kohore në raste të veçantë, sidomos për ata që kanë pasur fëmijë në moshë shkollore, për të qëndruar edhe për disa javë apo muaj të tjerë.
 
Trump ka ndërmarrë një linjë të ashpër kundër lejimit të ambasadorëve të emëruar politikisht nga Obama, teksa përgatitet të marrë detyrën më 20 janar, me misionin e çmontimit të shumë prej arritjeve politike të brendshme e të jashtme të paraardhësit të tij.
 
Ambasadorët “politikë”, shumica të emëruar falë lidhjeve të ngushta me presidentin, pothuajse gjithmonë largohen në përfundim të mandatit të tij. Ambasadorët që janë diplomatë karriere shpesh qëndrojnë në detyrë.
 
Një nga bashkëpunëtorit e Trumpit ka thënë se nuk ka ndonjë keqdashje në largimin e tyre, duke thënë se është njësoj si largimi i mijëra bashkëpunëtorëve të tjerë politikë të Obamës në Shtëpinë e Bardhë dhe agjencitë federale. Zyrtari, i mbetur anonim, tha se ambasadorët nuk kanë pse të habiten për largimin e menjëhershëm nga detyra. /NY Times/

Lista e ambasadorëve politikë amerikanë 

Emrat               Vendi
Bruce Heyman, Kanada 
Max Sieben Baucus, Kinë 
Jane Hartley, Francë
John Emerson, Gjermani 
Matthew Barzun, Mbretëria e Bashkuar
Anthony L. Gardner, Bashkimi Evropian
Douglas Lute, NATO
Samantha Power, Kombet e Bashkuara
Noah Mamet, Argjentinë
Nina Hachigian, ASEAN
Alexa Wesner, Austri
Linda Taglialatela, Barbados
Denise Bauer, Belgjikë 
Carlos Moreno, Belize 
Fitzgerald Haney, Kosta Rika 
Rufus Gifford, Danimarkë
Andrew Schapiro, Republika Çeke
James 'Wally' Brewster, Republika Dominikane
Charles C. Adams, Jr., Finlandë
Colleen Bradley Bell, Hungari 
Michael A. Lawson, ICAO
Robert C. Barber, Islandë 
Richard Rahul Verma, Indi
Kevin O’Malley, Irlandë 
Daniel B. Shapiro, Izrael 
John Phillips, Itali 
Caroline Kennedy, Japoni 
David McKean, Luksemburg 
Roberta Jacobson, Meksikë 
Dwight L. Bush, Sr., Marok 
Mark Gilbert, Zelandë 
Samuel D. Heins, Norvegji 
Mari Carmen Aponte, OAS
Daniel W. Yohannes, OECD
Daniel Brooks Baer, OSBE 
Robert A. Sherman, Portugali 
Kirk Wagar, Singapor 
Patrick Gaspard, Afrika e Jugut
Mark Lippert, Korea e jugut
James Costos, Spanjë dhe Andorra
Azita Raji, Suedi 
Suzan LeVine, Zvicër dhe Lihtenshtajni 
Mark Childress, Tanzani 
John Estrada, Trinidad dhe Tobago
Sarah Elizabeth Mendelson, UN / Economic & Social Council
Pamela K. Hamamoto, UN / Gjeneva
Keith M. Harper, Këshilli për të Drejtat e Njeriut në OKB 
Laura S.H. Holgate, Vjenë
Crystal Nix-Hines, UNESCO

Redaksia online
d.i.e.m/Shqiptarja.com 

TAG:
• OSBE