​Video/“Gomar, idiot!” Analistët
fjalor rrugaçësh në emisionin televiziv

Situata politike në vend ka ndezur dhe analistët në një panel të ftuarish gjatë një emisioni televiziv. Aq shumë është ndezur situata me ofendime sa moderatori është detyruar të ndërpresë bisedën dhe të fusë reklama.

Gjithçka nisi teksa secili prej tyre po mbronte politikanin e preferuar.

Kryeredaktori i gazetës “Panorama”, Robert Rakipllari i është drejtuar analistit Lorenc Vangjeli me një sërë fyerjesh në emisionin e Blendi Fevziut.
  
Rakipllari: Ishte një dëshirë e Lorencit që Rama e Meta të mos ndahen. I njëjti nivel si socialistja e Beratit që thoshte, nuk kemi nevojë për drita e ujë, vetëm ata të dy të mos ndahen.
 
Vangjeli: Ti me logjikën tënde bën atë lidhje që ka sharra e drurit me muzikën simfonike.

Rakipllari: Po unë nuk kam thënë që ti je budalla. Je idiot! Gomar! Çfarë të të them unë ty. Ta kam thënë dhe po ta them sërish

Vangjeli: Ka një nivel që nuk ja vlen të merresh
 
Pas kësaj Rakipllari ka shtuar: “Me ty po tallet i gjithë Facebook. Thonë që je një gomar”.
 
Fevziu: Po mos e prishni tani...

Rakipllari: Po pse. Ca mbeti për të mos e prishur tani

Drejtuesi i emisionit ka tentuar të ndërpresë sherrin, por duke parë që situata mund të dilte nga kontrolli kërkoi nga regjia të futeshin reklamat.

Nuk është hera e parë që në këtë emision analistët përfundojnë me fjalor rrugaçërie dhe deri në sherre vulgare, të rënda për veshin e dëgjuesit.

Analistët duhet të jenë persona që kulturën e tyre duhet ta demonstojnë me analiza model duke përcjellë tek lexuesi apo teleshikuesi një qëndrim të caktuar mbi situata të ndryshme, por duket se ndasitë politike në vend kanë prodhuar dhe modele të tilla.