VLORË- Një aksident ka ndodhur në zonën e “Lungomares”, mbrëmjen e sotme rreth orës 19:15, ku 20 vjeçari E. S.,që drejtonte një motorr ka mbetur i plagosur rëndë pasi është përplasur nga një mjet tip "Opel", me targa VL 0131 D, i cili drejtohej nga 53-vjeçari M. V..
 
Burime të Report Tv bëjnë me dije se i plagosuri është dërguar në spitalin e Vlorës ku ndodhet në gjendje të rëndë.

Policia ka shkuar në vendngjarje dhe po heton për zbardhjen e plotë të rrethanave të aksidentit.

[gallery]23854[/gallery] 

Vlorë 
Informacion paraprak

Më datë 11.09.2017 rreth orës 19:15 në Sallën Operative Vlorë ka ardhur një telefonatë, se në vendin e quajtur ''Shkolla e Marinës'', ka ndodhur një aksident.
 
Shërbimet policore kanë shkuar menjëherë në vendngjarje dhe nga verifikimi paraprak kanë konstatuar të përplasur me njëri-tjetrin mjetin tip ''Opel'', me drejtues mjeti shtetasin M.V., 53 vjeç dhe mjetin motorr me drejtues E.S., 20 vjeç.
 
Si pasojë e përplasjes ka mbetur i dëmtuar drejtuesi i mjetit motorr, i cili është transportuar menjëherë në Spitalin Rajonal Vlorë për të marrë mjekimin e nevojshëm.
 
Grupi hetimor po punon për zbardhjen e plotë të rrethanave të aksidentit.

Redaksia Online
Er.K/Shqiptarja.com