POP 5

Lajmet më të lexuara të 5 minutave të fundit

Ekonomi

91 mijë biznese kanë pezulluar
aktivitetin, s'përballojnë dot kostot

Në muajin prill të këtij viti, ka arritur në 91.150 numri i bizneseve që kanë pezulluar aktivitetin. Këto biznese janë regjistruar në Drejtorinë e Përgjithëshme të Tatimeve si subjekte pasive, që do të thotë se nuk kryejnë asnjë aktivitet e as derdhin taksa në arkat e shtetit. 35 mijë prej këtyre bizneseve gjenden në Tiranë.
Beteja kundër informalitetit, ka sjellë formalizimin dhe regjistrimin e rreth 40 mijë bizneseve të reja nga vera e vitit të shkuar, por duket se është shoqëruar edhe më efekte anësore të padëshiruara. Sipas të dhënave zyrtare të Administratës Tatimore, rezulton se ka arritur në 91.150 numri i bizneseve që kanë pezulluar aktivitetin. Tirana është qyteti me numrin më të madh të bizneseve të pezulluara, 35 mijë, ndërkohë që numri i tyre është i madh edhe në Durrës, Vlorë e Shkodër. 

Pezullimi i aktiviteteve apo deri dhe mbyllja e bizneseve u paralajmërua nga ekspertë e shoqata të ndryshme që në fazat e hershme të fushatës kundër informalitetit. Kjo pas informaliteti u bënte të mundur veçanërisht bizeseve të vogla mbijetesën, falë mungesës së kostove për pagesat e taksave e të sigurimeve.

Sipas treguesit zyrtar të INSTAT në fund të vitit 2015 numërohen 152,288 biznese aktive. Rreth 90 % e ndërmarrjeve aktive janë ndërmarrje të vogla me 1-4 të punësuar. Pjesa më e madhe e tyre, 61,8 % janë ndërmarrje me një të punësuar. Edhe lista e publikuar nga Tatimet me bizneset pasive dominohet tërësisht nga bizneset e vogla, të cilat duket se kanë vendosur të pezullojnë aktivitetin në pamundësi për të përballuar kostot.
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat/ Dënohet me 2 vite burg ish-kryebashkiakja e Patosit, Rajmonda Balilaj! I konvertohet në 2.8 vite shërbim prove

Abuzim me tenderat/ Dënohet me 2 vite burg ish-kryebashkiakja e Patosit, Rajmonda Balilaj! I konvertohet në 2.8 vite shërbim prove

15 Janar, 19:00