POP 5

Lajmet më të lexuara të 5 minutave të fundit

Dinamiti në det ende në modë, ikën peshku

Peshku i bregdetit të Adriatikut, drejt zhdukjes. Veç periudhës shkak tjetër është edhe gjuetia me dniamit që i bëhet nga persona të ndryshëm. Ndëkohë, askush nuk merr masa për parandalimin e këtij fenomeni. Muaji gusht ka qenë më i varfri për peshkatarët durrsakë.
DURRES (8/22/2001) Peshku i bregdetit të Adriatikut, drejt zhdukjes. Veç periudhës shkak tjetër është edhe gjuetia me dniamit që i bëhet nga persona të ndryshëm. Ndëkohë, askush nuk merr masa për parandalimin e këtij fenomeni. Muaji gusht ka qenë më i varfri për peshkatarët durrsakë. Në përgjithësi, në këtë sezon peshku largohet. Ky fenomen ngjet edhe në ujërat detare të Italisë. Por, ndërsa italianët në këtë stinë importojnë peshkun nga vende të tjera, tek ne peshkatarët duan ta sigurojnë atë me çdo kusht. Pasi rrjetat e tyre dalin thuajse të boshatisura nga fundi i detit, vendin e tyre e zë gjuetia me dinamit. Duke nisur nga Kepi i Rodonit e deri te Kalaja e Turrës shperthimet e dinamitit nuk është e vështirë të dëgjohen gjatë gjithë orëve të ditës. Kjo gjueti e paparë ka bërë që peshku të largohet nga brigjet e Durrësit. Janë dy shkaqet kryesore që e kanë bërë peshkun të braktisë ujërat në këtë pjesë të Adriatikut. Shfarosja në masë, si dhe dëmtimi i Florës nënujore. Zonat ku gjuhet më tepër me dinamit janë ato pjesë të bregut të detit me formacione shkëmbore. Në këto vende ku krijohen gjire dhe peshku afrohet për të gjetur ushqim, ai bie pre e lëndëve plasëse. Kështu ngjet në Rodon, Bisht Pallë, Shën Pjetër, Porto Romano, Kallm, Currila dhe gjetkë. Tashmë që dinamiti ka nisur të rrallohet për shkak të përdorimit të tij të gjerë, peshkatarët e dinamitit kanë nisur ta përgatisin atë në rrugë artizanale. Për këtë, ata përdorin plehun kimik, Nitrat Amoni. Ai, më pas bashkohet me naftë. Kjo përzjerje kthehet në masë shperthyese dhe plas nëse ngacmohet nga kapsollat donatore. Nitrati futet në kanaçet e pijeve freskuese dhe pajiset me një kapsollë me fitil 2-3 centimetër, të cilat gjenden në tregun e zi me 15 lekë për copë dhe që kanë për burim depot e ushtrisë dhe firmat e rrugëve që thuejnë masa shkëmbore. Gjuetia e peshkut me dinamit është një epidemi që ka nisur 10 vjet më parë e që nuk po ndalet. Ndërkohë, mungojnë strukturat shtetërore që mund të luftonin një fenomen të tillë. Dëmi i shkaktuar florës dhe faunës nënujore kërkon edhe 10 vjet për t'u rigjeneruar.

//Shqiptarja.com
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Stafi i Harris: Rezultatet e shteteve kryesore do të shpallen nesër

5 Nëntor, 17:10