POP 5

Lajmet më të lexuara të 5 minutave të fundit

Specialët në ndjekje të Karaxhiçit

Njësi speciale të ushtrisë amerikane janë në ndjekje të dy kriminelëve më të kërkuar të luftës, Radovan Karaxhiç dhe Ratko Mladiç. Lajmi është bëri publik nga gazeta e përditshme që del në Banja Luka, "Nezavisne Novine".
(16/1/2002)SARAJEVE Njësi speciale të ushtrisë amerikane janë në ndjekje të dy kriminelëve më të kërkuar të luftës, Radovan Karaxhiç dhe Ratko Mladiç. Lajmi është bëri publik nga gazeta e përditshme që del në Banja Luka, "Nezavisne Novine". Por dje, trupat paqeruajtëse të NATO-s në Bosnje e Hercegovinë refuzuan të konfirmonin apo të mohonin këtë lajm. "Ne e konsiderojmë njoftimin interesant, por nuk komentojmë asnjëherë veprimet dhe misionet ushtarake tona", tha përpara gazetarëve në Sarajevë majori Mike Odom, zëdhënës i forcave të SFOR-it, i cituar nga agjensia franceze e lajmeve AFP. "Nezavisne Novine", e cila citon një burim të afërt me SFOR-in, njofton se rreth 300 forca speciale amerikane "Ranger" janë vendosur në Bosnje dhe se së bashku me trupat paqeruajtëse të NATO-s do të arrestonin së shpejti kriminelin e kërkuar, Karaxhiç. Krimineli i luftës mendohet të jetë në malet Zelengora, në zonën kufitare mes Bosnje e Hercegovinës, Serbisë dhe Malit të Zi.

//Shqiptarja.com
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

E 'dogji' me alkool dhe duhan, gjimnastja japoneze përjashtohet nga Lojërat Olimpike

22 Korrik, 20:55