POP 5

Lajmet më të lexuara të 5 minutave të fundit

Kosova & Rajoni

Plagët e hapura të Srebrenicës dhe gjenocidi i 25 viteve më parë

Më 11 korrik 1995 trupat serbe hynë në qytetin e Srebrenicës. 8372 burra dhe djem të moshës 14 deri 78 vjeç u ndanë nga gratë dhe nënat, për t'u pushkatuar dhe hedhur në varreza masive

Plagët e hapura të Srebrenicës dhe gjenocidi i 25 viteve më parë

Me një marrshim drejt vendit të ngjarjes, të afërmit e viktimave dhe të mbijetuarit kanë kujtuar atë që ndodhi në korrik të vitit 1995 në Srebrenica, një qytet në Bosnje Herzegovinën lindore, kur ushtarët serbo-boshnjakë të drejtuar nga gjenerali serb Mladić, masakruan 8000 burra dhe djem boshnjakë të fesë myslimane, një ngjarje e cila është cilësuar si gjenocid dhe masakra më e rëndë e ndodhur në Europë që nga Lufta e Dytë Botërore.

Më 11 korrik 1995 trupat serbe hynë në qytetin e Srebrenicës. 8372 burra dhe djem të moshës 14 deri 78 vjeç u ndanë nga gratë dhe nënat, për t'u pushkatuar dhe hedhur në varreza masive.

Ndërkohë që mbetjet e mbi 6.600 viktimave janë gjetur dhe varrosur afër Srebrenicës, të tjera trupa do të varrosen të shtunën më 11 Korrik në 25 vjetorin e masakrës.

Një vit më parë, Gjykata e Lartë e Hagës deklaroi përgjegjëse për masakrën, edhe forcat paqeruajtëse holandeze. Edhe pse përgjegjësia u cilësua si ‘e kufizuar’ për trupin gjykues ajo është ende një "përgjegjësi", që përfshin gjithashtu qeverinë e atëhershme holandeze, të kryesuar nga kryeministri Wim Kok dhe zyrtarët e lartë ushtarakë.

Gjenerali Mlladiç pasi rrethoi Srebrenicën me shumicë muslimane, hyri në negociata me komandën e trupave holandeze nën drejtimin e gjeneralit Ton Karremans dhe arriti ta bindë atë të dorëzojë 350 civilë boshnjakë myslimanë që kishin kërkuar mbrojtje në kampin e ushtrisë holandeze. Sipas vendimit të gjykatës, edhe pse ushtarakët holandezë “nxorrën me duart e tyre” para plumbave qindra të pafajshëm, Holanda është përgjegjëse vetëm për 10% të të vrarëve nga ushtria serbe. Në vitin 2017 Gjykata e Apelit kishte deklaruar se shteti holandez ishte përgjegjës për 30%. E teksa përqindjet e fajin ndryshojnë, dhimbja për viktimat e masakrës mbetet e njejtë…

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15