Vrasja e Gjon Gjonajt zbulohen pista të reja
Pistat e reja hetimore rrëzojnë "tabunë" e vetëvrasjes së mësuesit Gjon Gjonaj. Dosja "Gjonaj" kalon në duart e Njëshit të Prokurorisë Ushtarake, Aleksandër Goga. Një grup special prej pesë hetuesish do të vazhdojë hetimin për zbardhjen e së vërtetës për mësuesin laçian
TIRANE
(5/6/2001)
Pistat e reja hetimore rrëzojnë "tabunë" e vetëvrasjes së mësuesit Gjon Gjonaj. Dosja "Gjonaj" kalon në duart e Njëshit të Prokurorisë Ushtarake, Aleksandër Goga. Një grup special prej pesë hetuesish do të vazhdojë hetimin për zbardhjen e së vërtetës për mësuesin laçian, ekzekutuar para disa muajve në një nga dhomat e paraburgimit të Komisariatit të Rrëshenit.
Rrjedhë e re për hetimet e çështjes "Gjonaj". Misteri tragjik merret përsipër të zbardhet nga vetë titullari i organit hetimor ushtarak, Aleksandër Goga, i cili kryeson një grup specialistësh prej pesë vetash (tre prokurorë dhe dy oficerë të Policisë Gjyqësore). Grupi në fjalë është ngritur një javë më parë. Kalimi i dosjes në duart e një grupi special (çështja më parë është ndjekur nga prokurori Viktor Thomai), është rrjedhojë e një presioni të fuqishëm nga ana e të afërmëve të viktimës Gjonaj. Ankesat me shkrim drejtuar Prokurorisë Ushtarake, Avokatit të Popullit dhe instancave të ndryshme shtetërore, e kanë detyruar institucionin në fjalë që ta marrë seriozisht zbardhjen e enigmës së ekzekutimit të shtetasit Gjonaj. Në letrat dërguar organit ushtarak të akuzës, pjestarët e familjes Gjonaj kanë dhënë versionet e tyre të detajuara në fakte për mundësinë e eliminimit të të afërmit të tyre. Mbështetur dhe në procedurë ligjore, specialistët ushtarakë, kanë nisur hetimet intensive në disa pista. Burime nga Pro-kuroria Ushtarake pohojnë, se dyshimeve të mëparshme për një realizim vrasjeje (megjithëse versioni kryesor mbetej ai i vetëvrasjes), i janë shtuar dhe dyshime të reja, të cilat janë rrjedhojë e veprimeve hetimore që po kryhen aktualisht. Sipas burimeve të mësipërme, versioni i vetëvrasjes nuk është më një tabu. Janë pistat e reja të hetimit, ato që rrezikojnë të nxjerrin jashtë "loje" siglën e vetëvrasjes. "Deri pak kohë më parë ne pothuajse ishim të bindur në versionin e vetëvrasjes, kjo nisur nga faktet që dispononim dhe nga përgjigjja e dhënë nga mjeko-ligjorët. Por tani gjërat kanë ndryshuar dhe nuk përbën aspak çudi që një version i dytë të rrëzojë të parin", pohon për Gazeta një hetues i akuzës. Aktualisht pistat e grupit hetimor përfshijnë dyshimet për një vrasje të Gjonajt gjatë rrugës për në Rrëshen, dhe për eliminim të mundshëm brenda komisariatit të këtij qyteti nga persona të interesuar për zhdukjen e tij. Po dje, grupi i prokurorëve, kryesuar nga krye-prokurori Goga i kanë bërë një "vizitë" të pandehurit Cup Ahmetaj, i cili është transferuar në spitalin e burgut të Tiranës.
//Shqiptarja.com
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
70.6%
-
Jo
18.7%
-
Ndoshta
10.6%
Vota total: 913
Votat totale janë unike
Lajme të tjera
-
Miratohet draft-marrëveshja për ndërtimin e sheshit fundor të Bulevardit të Ri në Tiranë
22 Korrik, 23:01
-
Vuçiç: Perëndimi po përgatitet për konflikt direkt me Federatën Ruse
22 Korrik, 22:58
-
Kushtoi 10 milionë euro, Kylian Mbappe blen shtëpinë e Gareth Bale në Madrid! Pishina, fusha futbolli dhe golfi
22 Korrik, 22:54
-
FOTO e re/ Momenti kur Blushi e Valteri përplasen fizikisht në Këshillin Bashkiak
22 Korrik, 22:50
-
VIDEO/ Digjet banesa në Lazarat
22 Korrik, 22:34
-
'Çadra 30 euro më privon të ha drekën', ekspertja: Duhet turizëm i qëndrueshëm që gjeneron të ardhura për komunitetin
22 Korrik, 22:30
-
'Tipologji e re e turizmit në Shqipëri', eksperti: Vijnë shumë të rinj! Jo për plazhe por për ture, Gjirokastra nga më të preferuarit
22 Korrik, 22:13
-
Rusia dënon gazetaren e dytë amerikane në një proces gjyqësor sekret
22 Korrik, 22:08
-
UEFA dënon Egnatian dhe Vllazninë
22 Korrik, 22:04
-
Blushi qëlloi Valterin me grusht, Meta: E provokoi, qen bir qeni! Një horr që priste 3 orë të bënte foto me mua
22 Korrik, 22:00
-
PD dhe shoqëria civile protestë kundër ‘Rozafa Tower’ në Shkodër: Kulla s'asht Cool
22 Korrik, 21:50
-
'Pazari, zemra e turizmit në Gjirokastër', kryebashkiaku Flamur Golemi: Çmimet janë stabilizuar
22 Korrik, 21:47