A do të donit të ishit ju atje? Turistët holandëzë, pjesë e programit pilot me pushime por nuk mund të largohen nga hoteli

Gati 200 turistë holandezë kanë mbërritur në ishullin grek të Rodosit për atë që kërkohet më së shumti në të gjithë Evropën, një festë në diell. Por me një kusht, që ata të mos largohen nga hoteli i tyre.

187 pushuesit të moshës 18 deri në 70 vjeç, u dërguan të hënën në hotelin Mitsis Grand, pasi kishin rezultuar negativ në testet anti-COVID.

Për shtatë-ditë, ​​turistët nuk do të lejohen të largohen nga lokalet. Ata mund të notojnë në pishinën e hotelit, por jo në ujërat e Detit Mesdhe në anën tjetër të rrugës.

Greqia u vendos nën shtetrrethim kombëtar në 7 nëntor të vitit të kaluar dhe tani ka filluar të lehtësojë kufizimet dhe ata kanë në plan të hapin sezonin turistik në mes të majit.

Deri atëherë, të gjithë udhëtarëve nga jashtë u kërkohet karantinë në hotel për shtatë ditë.

"Karantina e hotelit" e turistëve Holandezë po zhvillohet si pjesë e një programi pilot që drejtohet nga operatori Holandez Sunweb, në bashkëpunim me qeveritë Greke dhe Holandeze.

Një zyrtar i ministrisë greke të turizmit tha se turistët "do të respektojnë masat e kufizuese në vend dhe do të qëndrojnë për një javë në një hotel në Rodos, ​​pa u lejuar të dalin jashtë".

Njoftimi shkaktoi reagime të ndryshme në mediat sociale, me disa grekë që krahasonin qëndrimin e tyre në hotel me të qëndruarit në burg dhe bënë ironi duke thënë se ata paguan për të parë muret.

Të tjerët, e kanë mirëpritur lëvizjen dhe stafi i hotelit i maskuar ka pozuar për fotografi javën e kaluar për të festuar "Rihapjen e Madhe".

Udhëtarët e vetëm të huaj në Greqi të cilëve nuk u kërkohet të tregojnë një test negativ të koronavirusit janë izraelitët  me të cilët vendi ka një marrëveshje dypalëshe.

Dhjetëra turistë gjermanë mbërritën një javë më parë në Heraklion, kryeqyteti i Kretës dhe Ministria e Turizmit tha se ata ishin kryesisht gjermanë që posedonin shtëpi të dyta në Greqi.

Turistët holandezë do t'i nënshtrohen "provave të shpejta" përpara se të largohen nga Greqia në 16 Prill. 

TAG:
• greqia
• Koronavirus
• masat anticovid