Ekonomia ruse është tkurrur vitin e kaluar më pak sesa është pritur, marrë parasysh nisjen e luftës në Ukrainë. Sipas Agjencisë shtetërore të Statistikave në Rusi, ekonomia është tkurrur për 2.1 për qind, edhe pse parashikimet kanë shkuar në deri 12 për qind.
Ndonëse ka dyshime për vërtetësinë e këtyre të dhënave, shumë analistë kanë qenë të befasuar me qëndrueshmërinë e ekonomisë ruse.
Rritja e çmimeve të naftës dhe shpenzimet ushtarake besohet se i kanë ndihmuar ekonomisë në Rusi. Pas nisjes së luftës në Ukrainë – më 24 shkurt të vitit të kaluar – shumë kompani perëndimore janë larguar prej Rusisë.
Shoku fillestar pati detyruar tregjet e aksioneve në Rusi që të mbyllen përkohësisht, si dhe rubla ruse pati rënë në nivele të konsiderueshme. Instituti për Financa Ndërkombëtare pati parashikuar se ekonomia ruse do të tkurrej për 15 për qind më 2022, derisa presidenti amerikan, Joe Biden pati thënë në muajin mars se ekonomia ruse është “në rrugë t’u zvogëluar përgjysmë”.
Megjithatë, në pjesën më të madhe të vitit 2022, Rusia ka arritur të eksportojë energji.
Perëndimi i ka kufizuar eksportet e energjisë nga Rusia, mirëpo autoritetet ruse kanë zgjeruar shitjet në Kinë, Indi dhe vende tjera.
Rritja globale e çmimeve të gazit, naftës dhe nënprodukteve të saj, si dhe e produkteve tjera që eksporton Rusia, përfshirë grurin, kanë kontribuuar në rritjen e të hyrave në Rusi. Lufta e Rusisë në Ukrainë ka nisur më 24 shkurt të vitit 2022. Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL
Lajme të tjera
-
Zbulohen profecitë e Baba Vangës për vitin 2025: Alienët me apokalips, ilaçi kundër kancerit dhe nanoteknologjia! Çfarë u realizuan dhe çfarë jo më 2024
25 Dhjetor, 17:38 -
25 vjet Putin, nga miku në armik
25 Dhjetor, 12:41 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Anija e sanksionuar ruse fundoset në Detin Mesdhe, 2 të zhdukur
24 Dhjetor, 15:12 -
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
Seuli thotë se Koreja e Veriut po përgatitet të dërgojë më shumë trupa dhe armë në Rusi
23 Dhjetor, 13:05 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11 -
Pasi u rrëzua nga pushteti në Siri, Assadit i ndodh e papritura! Gruaja i kërkon divorcin
23 Dhjetor, 09:38
