A mund ta bëjë këtë një shqiptar?
Fëmija në dorën e policit serb...

Rritja e numrit të kalimeve ilegale të kufirit Serbi -Hungari nga ana e shtetasve të Kosovës, ka bërë që autoritetet serbe të shtrëngojnë masat ndaj këtij fenomeni.

Qyteti më i prekur nga emigrantët që kalojnë nga Kosova për në Serbi dhe më pas mësyjnë Hungarinë, është Subotica, një qytet në veri të Vojvodinës. Aty, emigrantët nga Kosova bien në kontakt me trafikantët të cilët më pas, në shkëmbim të parave, i orientojnë deri në kufirin me Hungarinë.

Ndërkohë mediat po transmetojne pamje nga më të dhimbshmet, ku tregohet vuajtja e kosovarëve dhe trajtmi i policisë serbe. Në një video të mediave serbe tregohet një grup prej rreth 20 personash, të rinj dhe familjar me fëmijë të vegjël, që janë zbuluar në afërësi të autostradës, afër kalimit “Subotica-Sever”.

Policia kufitare serbe në rrethinën e Suboticës  e ka parandaluar këtë grup të kosovarëve që ilegalisht ta kalojnë kufirin me Hungarinë.