Departamenti amerikan i Sigurisë Kombëtare po shqyrton mënyrat se si mund ta përdorë inteligjencën artificiale për zbulimin e fentanilit duke parandaluar hyrjen e tij në vend. Korrespondetja Zërit të Amerikës Julie Taboh i hedh një vështrim këtyre përpjekjeve.
Kufiri amerikan me Meksikën është një portë e rëndësishme për fluksin e njerëzve dhe tregtisë. Por gjithashtu është shndërruar në një pikë gjithnjë e më e ndjeshme për shkak të rritjes së kontrabandës së drogave të rrezikshme, si fentanili.
Për të trajtuar këtë shqetësim në rritje, në muajin prill, Sekretari i Sigurisë Kombëtare Alejandro Mayorkas njoftoi krijimin e një grupi të ri pune.
"Organizatat e trafikut të drogës janë forcuar si nga pikëpamja e sofistikimit ashtu edhe fuqisë së tyre”.
Ky grup do të shqyrtojë ndër të tjera edhe mënyrat se si mund të përdoret inteligjenca artificiale për të zbuluar dhe luftuar kontrabandën e drogës.
"Ne do të shqyrtojmë përdorimin e kësaj teknologjie për patur efektivitet në zbulimin e dërgesave me fentanil, si dhe identifikimin dhe ndalimin e trafikut të substancave që përdoren për prodhimin e tyre, duke synuar ndërprerjen e nyjeve kryesore të rrjeteve kriminale".
Pat Simmons, i cili ka shërbyer më parë në detyrën e drejtorit të Agjencisë amerikane të Doganave dhe Mbrojtjes Kufitare, thotë se, sot ekzistojnë sisteme të cilat mund të përmirësohen më tej me falë inteligjencës artificiale.
Ai sjell si shembull atë që njihet si sistemi Muon, apo muografia, e cila është në gjendje të prodhojë një imazh më të saktë të objektit që po skanohet, krahasuar me teknologjinë me rreze X, që përdoret aktualisht.
“Rrezet X nuk mund të depërtojnë tek një ngarkesë e dendur. Por këtë mund ta bëjë muografia, që iu mundëson agjentëve të kufirit të shohin saktësisht se çfarë është brenda një objekti të dendur”.
Kur agjencia të nisë të përdorë teknologjinë artificiale sëbashku me sistemet ekzistuese Muon, puna e këtyre sisteme do të jetë më efektive, duke zbuluar se ku fshihet fentanili në kontejnerët e transportit plot me ngarkesë.
Simmons thotë se ky sistem sëbashku me inteligjencën artificiale mund të përdoren për të identifikuar ato substanca që përdoren për prodhimin e fentanilit.
“Pra ajo çka duhet bërë është t’i mësohet inteligjencës artificiale se çfarë po kërkojmë. Pra duhen marrë disa nga këto substanca kimike që vijnë nga Kina dhe t’i mësohet sistemit nëpërmjet mijëra skanimesh, në mënyrë që të nisë të kuptojë se çfarë po kërkon”.
Po kështu intelegjenca artificile mund të vijë në ndihmë edhe falë informacioneve dhe analizës parashikuese, në rastet e kalimit në kufi.
“Cilët janë personat që po kalojnë kufirin dhe sa shpesh? Po kështu informacioni që disponon mbi automjetin dhe patentën, sa shpesh i ka ndeshur ato. Pra ka disa lloje informacionesh, që unë do t'i ngarkoja tek inteligjenca artificiale për të provuar se çfarë analize do të ofronte", thotë Gil Kerlikowske, ish-Komisioner për Mbrojtjen e Kufirit.
Inteligjenca artificiale mund të përdoret për të zbuluar fentanilin e shtypur që duket si karamele, ose pilula që jepen me recetë të prodhuara në mënyrë të ligjshme, thotë zoti Kerlikowske.
“Nëse inteligjenca mund të zbulojë se ku ndodhet pilula çfarë stampe ka, kjo do të ishte e dobishme që agjentët në kufi të paktën te paralajmëroheshin”, Gil Kerlikowske, Ish Komisioner për Mbrojtjen e Kufirit.
Grupi i punës mbi inteligjencën artificiale pritet t’i paraqesë gjetjet e tij Departamentit të Sigurisë Kombëtare gjatë muajve të ardhshëm./VOA
Lajme të tjera
-
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08 -
Luigi Mangione deklarohet i pafajshëm për akuzat shtetërore për vrasjen e CEO-s Brian Thompson
23 Dhjetor, 22:52 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Biden fal dënimet me vdekje, konvertohet dënimi për 37 të burgosur
23 Dhjetor, 16:25
