POP 5

Lajmet më të lexuara të 5 minutave të fundit

Kosova & Rajoni

A mundet Vjosa Osmani ta mandatojë Albin Kurtin dhe kush duhet të zgjidhet i pari?

Pas rezultatit të 14 shkurtit, një prej temave që po diskutohet më së shumti është ajo se si do të procedohet me krijimin e institucioneve të reja

A mundet Vjosa Osmani ta mandatojë Albin Kurtin dhe kush duhet të zgjidhet i pari?

Pas rezultatit të 14 shkurtit, një prej temave që po diskutohet më së shumti është ajo se si do të procedohet me krijimin e institucioneve të reja. Ish-kreu i Gjykatës Kushtetuese, Enver Hasani, thotë se ushtruesi i detyrës së Presidentit nuk mund të mandatojë kandidatin për kryeministër dhe sipas tij duhet fillimisht të zgjidhet kreu i ri i parlamentit, presidenti e më pas Qeveria. Por njëjtë nuk mendon Gjyljeta Mushkolaj, ish-gjyqtare e Kushtetueses. Ajo thekson se udhëheqja aktuale e Kuvendit s’mund të marrë asnjë vendim, derisa sqaron se në momentin që zgjidhet Kuvendi i ri, kryetari i Kuvendit automatikisht bëhet ushtrues i detyrës së presidentit dhe mund të procedojë me mandatimin e kandidatit për kryeministër, formulë kjo për të cilën Hasani thotë se është gabim.

Ish-gjyqtarja e Kushtetueses, Gjyljeta Mushkolaj, në një përgjigje për mediat vendase tha se kryetari i ri i Kuvendit të Kosovës i cili do të ushtrojë edhe detyrën e presidentit përkohësisht, mund të procedojë me mandatimin e kandidatit për kryeministër.

 “Kuvendi i ri nuk mund të veprojë pa u konstituuar. Pra, zgjidhet kryetari, kryesia. Kryetari i ri i Kuvendit bëhet U.D më pastaj zgjidhet qeveria. Zgjedhja e Presidentit duhet të bëhet brenda afatit të paraparë me Kushtetutë. Pra asnjë veprim nuk mund të bëhet pa u konstituuar Kuvendi. Kryetari i ri i Kuvendit bëhet U.d i Presidentit. U.D së presidentit mandaton Kryeministrin. Zgjedhja e Presidentit bëhet pastaj”, ka thënë Mushkolaj.

Njëjtë nuk mendon ish-kreu i Gjykatës Kushtetuese, Enver Hasani. Sipas tij, ushtruesi i detyrës së presidentit nuk mund të mandatojë kandidatin për kryeministër. Ai thotë se fillimisht duhet proceduar me Kuvendin, pastaj me zgjedhjen e presidentit dhe më pas me Qeverinë.

 “Renditja e gjymtyrëve kryesorë të pushtetit që përfaqësohen prej organeve përkatëse të pushtetit në një kushtetutë moderne, flet shumë për karakterin e sistemit politik dhe kushtetues. Në Kosovë kjo renditje nis me organin ligjvënës dhe përfaqësues (Kuvendi i Kosovës), vazhdon me shefin e shtetit (Presidenti i Republikës), i cili pasohet nga ekzekutivi (Qeveria e Kosovës)”, ka thënë Hasani.

Glauk Konjufca ka thënë se fillimisht do ta zgjedhin kryeministrin e pastaj presidentin. Lëvizja Vetëvendosje sipas rezultateve preliminare të KQZ’së aktualisht ka 56 deputetë pa votat e diasporës dhe ato me kusht. Zgjedhjen e qeverisë VV e ka më të lehtë pasi ka gjasa të mëdha që të ketë 61 numra në Kuvend. Por zgjedhja e presidentit pritet të jetë sfidë për këtë parti pasi e ka të pamundur që pa partitë shqiptare dhe listën serbe të bëjë kuorumin për të zgjedhur shefin e shtetit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ishin 2 autorë!' Vrasja e Martinit, flet babai i 14-vjeçarit të plagosur: Luisi ndodhet në intubim! Prindi i fëmijës bën mirë ta dorëzojë vetë

'Ishin 2 autorë!' Vrasja e Martinit, flet babai i 14-vjeçarit të plagosur: Luisi ndodhet në intubim! Prindi i fëmijës bën mirë ta dorëzojë vetë

24 Nëntor, 09:20