A po zgjerohet lufta? Bjellorusia nis stërvitjen ushtarake

Në një lëvizje që mund të paralajmërojë një zgjerim të afërt të konfliktit, forcat e armatosura të Bjellorusisë kanë nisur stërvitje të lehta ushtarake të "forcave të reagimit", sipas zyrës së shtypit të Ministrisë së Mbrojtjes bjelloruse të cituar nga agjencia Tass.

Sipas asaj që u komunikua, testet “do të përfshijnë lëvizjen e një numri të konsiderueshëm mjetesh ushtarake” dhe “nuk do të paraqesin kërcënim për vendet fqinje apo për Evropën në përgjithësi”.

Këto janë lëvizje që nuk sigurojnë as Ukrainën dhe as komunitetin ndërkombëtar. Bjellorusia është e lidhur ngushtë politikisht me Rusinë. Disa orë para njoftimit, presidenti rus Putin dhe bjellorusi Lukashenko biseduan në telefon për të diskutuar mbi "situatën në kontekstin e operacionit të posaçëm ushtarak që po zhvillohet për të mbrojtur Donbasin".

Lajmi kryesor:

Kremlini: Morëm fabrikën e çelikut, e mohon Kievi! Rusia: 3 ditë armëpushim në Azovstal, të evakuohen civilët! Shpërthime në Kiev e disa qytete

M.Q./Shqiptarja.com

TAG:
• rusia sulmon ukrainen
• Rusi
• ukraine