A1Report transmeton Live arrestimin
e të kërkuarit nga lista e trafikantëve

Gjatë raportimit Live nga Lazarati të televizionit A1 REPORT nga postblloqet në hyrje të fshatit, forcat speciale kanë arrestuar një nga të kërkuarit e policisë si pjesë e grupit kriminal që kanë qëlluar me armë kundër uniformave blu.

Arrestimi i tij në flagrancë është trasnmetuar Live në A1 REPORT, kur policia i vuri pranga menjëherë pas kontrollit në automjetin e tij në postbllokun Kordhoc në hyrje të fshatit Lazarat.

I arrestuari ndodhej në një makinë tip Range Rover me targa AA 596 DK.

Deri më tani numri it ë arrestuarve në këtë supëraksion antikanabis, policia ka arrestuar 8 veta. 

Vetëm pak momente para këtij arrestimi që u trasnmetua Live në A1 REPORT ndërsa gazetari Arsen Rusta raportonte Live për zhvillimet nga fshati i Lazaratit, një tjetër person ran ë prangat e policisë.
 
Forcat e Policisë të vendosura në hyrje të Lazaratit arrestuan Marjon Shehun, 29 vjeç i shpallur në kërkim nga policia në listën prej 26 personave i dyshuar si pjesë e grupit kriminal që prej tre ditësh kanë qëlluar në drejtim të policisë. 

Arrestimi i tij është bërë gjatë kontrollit rutinë që i bëhet tashmë prej tre ditësh të gjitha automjeteve të hyrje të Lazaratit. 

Forcat speciale të policisë pasi kanë bërë verifikimin e identitetit të tij, e kanë shoqëruar për në polici si një nga kriminelët e kërkuar nga efektivët blu, të cilët vijojnë të përleshen me të shtëna qrmësh me policinë.

Trasmetimi LIVE i A1 Report i arrestimit

TAG:
• lazarat