Sipas mediave kosovare Aleanca për Ardhmërinë e Kosovës ka akuzuzar kryeministrin në detyrë Hashim Thaçi për blerje deputetësh, e ndërsa për të bërë këtë gjë po përdoret Ramiz Lladrovci, Ambasadori i Kosovës në Shqipëri.
Dyshimet në partinë e Ramush Haradinajt erdhën pasi që Lladrovci (ambasadori i Kosovës në Shqipëri) i telefonoi Bali Muharremajt, deputetit të AAK-së dhe i tha se “një njeri i madh dëshiron të të takojë”.
Ndërkohë sipas mediave kosovare Ramiz Lladrovci i ka përgënjeshtruar këto deklarata. Dy blloqet më të mëdha politike në Kosovë kanë dy ditë afat për të siguruar mbështetjen e deputetëve nga radhët e komuniteteve pakicë para vazhdimit të seancës konstituive të 18 shtatorit.
Kjo seancë që filloi nga data 17 korrik nuk është përmbyllur pasi që ende nuk është zgjedhur kryetari i Kuvendit dhe pesë nënkryetarët. Në bazë të aktgjykimit të Gjykatës Kushtetuese, Partia Demokratike e Kosovës pritet që të propozojë e para kandidatin për kryetar të Kuvendit.
Redaksia Online
(g.f/Shqiptarja.com)
![](https://www.shqiptarja.com/template/img/sh_logo1.png)