TIRANE- Ish-kryetari i Gjykatës Kushtetuese, Fehmi Abdiu hedh akuza të forta ndaj Gjykatës së Lartë për mënyrën e vlerësimit që i ka bërë çështjes së “21 janarit”. Në një intervistë për “Shqiptarja.com”, Abdiu vlerëson se veç hetimit të ngjarjes në tërësi duhet marrë në konsideratë edhe pretendimi i ish-kryeministrit Sali Berisha, i cili ka ngritur pretendimet se ngjarja e ndodhur ishte një grusht shteti.

Konstitucionalisti flet edhe për atë që ai e konsideron tronditje të marrëdhenieve mes institucionit të qeverisë dhe atij të presidencës, duke vlerësuar si të domosdoshëm hartimin e një ligji të veçantë për kreun e shtetit.