POP 5

Lajmet më të lexuara të 5 minutave të fundit

Sport

Abilaliaj i 'shkel syrin' Shehit: Më në fund doli i lirë, kemi alternativë edhe Dajën

Kukësi dhe Partizani çelin nesër në orën 13:30 javën e 17-të në Superligën shqiptare të futbollit. Para ndeshjes për mediet foli Arbër Abilaliaj, trajneri i të kuqve.

Kukësi dhe Partizani çelin nesër në orën 13:30 javën e 17-të në Superligën shqiptare të futbollit. Para ndeshjes për mediet foli Arbër Abilaliaj, trajneri i të kuqve.

Ai tha se është momenti për të lënë pas pesë barazimet radhazi dhe se duhen shfrytëzuar rastet e krijuara. Sa i takon Orges Shehit që është një trajner i lirë, vlonjati ka thënë se jo më kot ai u shpall trajneri më i mirë sezonin e shkuar. Me batutë 37-vjeçari shtoi se Partizani ka opsion për stolin edhe Ilir Dajën, meqë dje Ballkani humbi dhe është jashtë Conference League.

"Momenti për të lënë pas barazimet? U përpoqëm dhe javën që kaloi të lëmë pas barazimet. Rikthimet e rëndësishme në mbrojtje na kanë dhënë stabilitetin e humbur. Jam i kënaqur deri diku si u zhvillua ndeshja me volumin e lojës, por po të shfrytëzonim rastet duhet ta kishim fituar ndeshjen. Në çdo ndeshje futemi për ta fituar.

5 barazime radhazi, ndonjë peng? Ndeshja e kaluar sepse ishte e dominuar, s’kishte histori. Me 3 raste, në një na shënuan gol. Kurse Partizani me 12-13 raste arriti vetëm 1 gol. Duhet ta kishim fituar ndeshjen, por jo të gjitha shkojnë mirë. Nëse do them peng, ai është më i madhi. Kjo me Skënderbeun ishte super e dominuar.

Përveç ndeshjes me Skënderbeun dhe Egnatias, që kemi pasur kontigjent të plotë, të tjerat jemi munduar të sajohemi përsa i përket anës difensive. Reparti i mbrojtjes është i cunguar dhe kjo na ka sjellur destabilitet që e kemi shfaqur dhe në fushën e lojës. Në këto 3-4 ndeshje jemi detyruar të kthejmë rezultatin.

Ndeshjen me Kukësin pësuat 3 gola, e vetmja me më shumë se 1 gol.

Ajo ndeshje na prish statistikën, por ishte e çuditshme dhe për zhvillimin e saj. Patjetër qe ka ndikuar dhe zhbllokimi 2-0 që në fillim. Shtuar dhe oshilacionet që kishim me trajnerin Zekic. Golat që janë pësuar kanë qenë për arsye të jo përqëndrimit. 2 golat e fundit, në mos gaboj një ka qenë jashtë loje dhe një prekje me dorë nuk di si ta shpjegoj.

Orges Shehi është trajner i lirë nga dje. Qëndron si alternativë?

Shyqyr që doli i lirë. I uroj suksese. Kam përshtypjen që do ketë interesim në treg duke pasur parasysh që vjet ka dalë trajneri më i mirë në ligën shqiptare. Ne zakonisht i gjëmojmë trajnerët më të mirë, por për momentin jemi fokusuar te 3 ndeshjet e fundit që kanë mbetur dhe pastaj të shikojmë. Mund të gjëmojmë dhe Dajën, meqë humbi. Mund të jetë alternativë", tha mes të tjerash Abilaliaj.

Pas javës së 16-të, Partizani me 31 pikë mban vendin e dytë, teksa Kukësi me 17 pikë pozitën e shtatë.

S.Dh/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46