TIRANË - Abuzimet me faturat e energjisë elektrike, ka bërë që 8 punonjës të kompanisë CEZ Shpërndarje të vihen në pranga dhe të çohen në burg, ndërsa 6 të tjerë të jenë në “arrest shtepie”.

Prokuroria e Tiranës ka bërë të ditur se, Gjykata e Tiranës ka lëshuar masën e sigurisë “arrest me burg” për 8 punonjës (faturues) të kompanisë së shpërndarjes së energjisë elektrike “CEZ Shpërndarje”, dhe masën e sigurisë “arrest në shtëpi” për 6 punonjës (faturues).

Të gjithë këta persona, akuzohen për veprën penale “Falsifikimit të dokumentave nga personi që ka për detyrë të lëshojë dokumentin”, në dëm të një numri të konsiderueshëm konsumatorësh të energjisë elektrike.

Masat e sigurisë të vendosura nga gjykata janë ekzekutuar gjatë ditës së sotme nga ana e efektivëve të Policisë së Shtetit.

Masat e sigurimit ndaj këtyre personave janë caktuar në bazë të provave, sipas të cilave rezulton se kanë fallsifikuar faturat e energjisë elektrike për një numër të konsiderueshëm konsumatorësh, duke bërë që këta të fundit të paguajnë shuma që variojnë nga 65.000-280.000 lekë të reja për shkelje të pretenduara nga faturistët, por që realisht konsumatorët nuk i kanë kryer këto shkelje.

Hetimet vazhdojnë me qëllim identifikimin dhe marrjen në përgjegjësi penale të personave të tjerë të përfshirë në këto veprime të kundërligjshme dhe bashkëpunëtorë të tjerë.
Më poshtë, lista e punonjësve të CEZ Shpërndarje, për të cilët është ekzekutuar masa e sigurisë gjatë ditës së sotme nga ana e Policisë së Shtetit, pas hetimeve të Prokurorisë së Tiranës:
 
PUNONJËSIT E CEZ, ARREST ME BURG:
N. Sulaj                                    arrest me burg
A. Koleci                                  arrest me burg           
M. Ndreu                                 arrest me burg
B. Kurtaj                                  arrest me burg
N. Kurti                                    arrest me burg
K. Karamuca                            arrest me burg
E. Tocilla                                 arrest me burg
Sh. Basha                                 arrest me burg
 
PUNONJËSIT E CEZ, ARREST SHTËPIE:
M. Dragoshi                            arrest në shtëpi
A. Gjondedaj                           arrest në shtëpi
L. Karaosmani                         arrest në shtëpi          
M. Shiqeruka                           arrest në shtëpi
H. Zhilli                                    arrest në shtëpi
Sh. Stojku                                 arrest në shtëpi
 
Redaksia online
(ac/shqiptarja.com)