Acarohen marrëdhëniet mes Kinës dhe Gjermanisë pas takimit të aktivistit Joshua Wong me ministrin e Jashtëm gjerman

Acarohen marrëdhëniet mes Kinës dhe Gjermanisë pas takimit të aktivistit Joshua Wong me ministrin e Jashtëm gjerman

Kina ka thirrur ambasadorin e Gjermanisë në Pekin pas një takimi mes aktivistit nga Hong Kongu Joshua Wong dhe Ministrit të Jashtëm të Gjermanisë Heiko Maas, duke e deklaruar se takimi do të dëmtonte marrëdhëniet dypalëshe.

Ambasadori kinez u tha gazetarëve në Berlin se takimi, “do të ketë pasoja negative në marrëdhëniet dypalëshe dhe se Kina do të reagojë”.

Aktivisti Wong mbërriti në Berlin dhe u prit nga Maas. Diplomati kinez tha se edhe ligjvënësit gjermanë e kishin pritur Wong.

Nuk ka patur reagim të menjëhershëm nga Gjermania, ndërsa mosmarrëveshja vjen disa ditë pasi Kancelarja Angela Merkel u kthye nga një udhëtim në Kinë. Angela Merkel tha pas kthimit se u kishte thënë udhëheqësve kinezë se mbrojtja e të drejtave të njeriut ishte e domosdoshme.

Kina ka akuzuar Shtetet e Bashkuara dhe vende të tjera perëndimore për nxitje të trazirave në Hong Kong. Protestat që në disa raste kanë qënë të dhunshme gjatë disa muajve të fundit u shkaktuan si rezultat i një projektligji për të lejuar ekstradimin e personave të akuzuar në Kinë. Por që nga ajo kohë, aktivistët i kanë zgjeruar kërkesat e tyre, ndërsa tani ata po bëjnë thirrje për demokraci dhe që udhëheqësit komunistë të Kinës të mos ndërhyjnë në punët e Hong Kongut.

PS/ Wong Chi-fung Joshua është një aktivist kinez student nga Hong Kongu, sekretar i përgjithshëm i partisë Demokratike Demosistō dhe themelues i grupit studentor ‘Scholarism’.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet