Adoleshenti fsheh në valixhe
20 kg drogë do e çonte në Greqi

GJIROKASTER- Policia e Gjirokastrës ka vënë në pranga një adoleshent nga Fieri 16-vjeçarin A.H. Arrestimi i të riut u bë në flgrancë ndërsa po transportonte rreth 20 kilogramë hashash.

Me anë të një njoftimi zyrtar Policia e Gjirokastrës bën të ditur se “më datën 07.12.2013, rreth orës 01.50, të mëngjezit , Specialistët e Sektorit Kundër Narkotikëve kanë bërë kapjen dhe arrestimin në flagrancë të 16 vjeçarit.

Ndalimi i tij është bërë i mundur pas marrjes së  informacionit se në autobuzin e linjës Gjirokastër –Tiranë, një shtetas transportonte një valixhe me lëndë narkotike.

Nga kontrolli i ushtruar në autobuzin e linjës Gjirokastër - Tiranë , rezultoi se në bagazhin e autobuzit ndodhej një valixhe e mbushur me pako me lëndë narkotike. Nga kqyrja e cantës rezultoi se në brendësi të cantës kishte 32 pako të mbështjella me letër natriban.

Në përfundim të veprimeve të para hetimore , rezultoi se valixhen në bagazhin e autobuzit e kishte vendosur adoleshenti nga Fieri dhe se kjo valixhe i përkiste këtij shtetasi.  Lënda narkotike u sekestrua në cilësinë e provës materiale.

Arrestimi i tij u bë për veprën penale “Prodhim dhe shitje të lëndëve narkotike”.
 


Redaksia Online
(ah/shqiptarja.com)