POP 5

Lajmet më të lexuara të 5 minutave të fundit

Politikë

‘ADRION’, takim në Itali mes Komandantëve të Forcave Detare të 6 shteteve, Peleshi: Shqipëria e përkushtuar për të ofruar një mjedis të sigurt në Ballkanin Perëndimor

 “Shqipëria e përkushtuar për të ofruar një mjedis të sigurt”, kështu u shpreh ditën e sotme ministri i mbrojtjes  Niko Peleshi takimit  të zhvilluar mes Minsitrave të Mbrojtjes së Kroacisë, Greqisë, Italisë, Malit të Zi dhe Sllovenisë në Venecia, po në kuadër të nismës “ADRION”.

‘ADRION’, takim në Itali mes Komandantëve të Forcave Detare të 6 shteteve, Peleshi: Shqipëria e përkushtuar për të ofruar një mjedis të sigurt në Ballkanin Perëndimor

Niko Peleshi, Ministeriali i Mbrojtjes në kuadër të iniciativës 'ADRION', Itali

ITALI-  “Shqipëria e përkushtuar për të ofruar një mjedis të sigurt”, kështu u shpreh ditën e sotme ministri i mbrojtjes  Niko Peleshi gjatë takimit  të zhvilluar mes minsitrave të mbrojtjes së Kroacisë, Greqisë, Italisë, Malit të Zi dhe Sllovenisë në Venecia, në kuadër të nismës “ADRION”.

Ministrat e mbrojtjes vlerësuan rëndësinë e Iniciativës “ADRION”, si një shembull i bashkëpunimit rajonal, bazuar në gjithpërfshirjen, vlerat e përbashkëta  si dhe orientimin e interesave të përbashkëta për garantimin e sigurisë dhe stabilitetit në zonën adriatiko-joniane.

Gjatë fjalës së tij, Peleshi tha se Ministria e Mbrojtjes dhe Forca Detare e vendit tonë, është gjithmonë me e angazhuar në forcimin e bashkëpunimit në rajon me qëllim përballimin e sfidave aktuale dhe në të ardhmen, promovimin e stabilitetit rajonal, sigurisë dhe paqes.

“Shqipëria do të angazhohet fuqishëm për të ofruar një mjedis të sigurt dhe për stabilitet më të gjerë në Ballkanin Perëndimor dhe hapësirat e përbashkëta detare. Iniciativa ADRION është një nga mekanizmat që po kontribuon në këtë objektiv. Pellgu Adriatiko-Jon është një mjedis gjithnjë e më i aksesueshëm për të gjitha llojet e aktiviteteve malinje dhe është një nga pikat më të ndjeshme të tranzitit dhe infiltrimit në zemër të Evropës. Prandaj, bashkëpunimi ynë rajonal duhet të jetë në nivelin më të lartë, për t’i ofruar siguri dhe stabilitet popullit tonë. Shqipëria dhe Forcat e saj Detare janë gjithmonë të përkushtuara për të çuar më tej bashkëpunimin në rajon. Ne të gjithë duhet të vazhdojmë të luajmë një rol aktiv duke adresuar sfidat e sigurisë, si dhe çështjet e prosperitetit ekonomik dhe stabilitetit politik. Kjo mund të bëhet vetëm duke punuar së bashku”, theksoi ministri Peleshi.

Vëmendje e veçantë iu kushtua rëndësisë së ndërveprimit dhe bashkëpunimit ndërmjet Forcave Detare të kësaj iniciative, me qëllim rritjen e sigurisë detare, asistencës humanitare, shpëtim-kërkimit, ndërtimit të kapaciteteve si dhe mbështetjen e operacioneve të NATO-s dhe BE-së në zonën e ADRION-it.

Në Venecia, në kuadër të nismës “ADRION”,  po mbahet edhe “Simpoziumi Rajonal i Fuqive Detare”, në të cilin marrin pjesë  Komandantët e Forcave Detare të vendeve anëtare të kësaj iniciative. “ADRION” është një iniciativë, e cila ka si qëllim bashkëpunimin ndërmjet Forcave Detare të  Shqipërisë, Kroacisë, Greqisë, Italisë, Malit të Zi dhe Sllovenisë.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    18 Nëntor, 08:54

    Besoni se buxheti 2025 do ndikojë pozitivisht në të ardhurat e qytetarëve?

Lajme të tjera



×

Lajmi i fundit

Tenis/ Sinner mposht Fritz dhe triumfon në finalet e Torinos, italiani numri 1 në botë

Tenis/ Sinner mposht Fritz dhe triumfon në finalet e Torinos, italiani numri 1 në botë

18 Nëntor, 10:08