Duket si absurde por është e vërtetë. Talebanët i kanë ndaluar gratë të udhëtojnë në distanca më të gjata se 45 milje, përveç nëse shoqërohen nga një anëtar mashkull i familjes. E ashtuquajtura Ministria për Promovimin e Virtytit dhe Parandalimin e Vesit ka njoftuar se grave që kërkojnë të udhëtojnë diçka tjetër përveç distancave të shkurtra, nuk duhet t'u ofrohet transport nëse janë vetëm, dhe këmbënguli që transporti t'u ofrohet vetëm atyre që mbajnë hixhabe islame.
Udhëzimi, i shpërndarë në rrjetet e mediave sociale, vjen disa javë pasi ministria u kërkoi kanaleve televizive afgane të ndalonin shfaqjen e dramave dhe telenovelave me aktore gra.
Ministria u kishte bërë thirrje gjithashtu grave gazetare televizive që të mbajnë hixhabe gjatë prezantimit.
Direktiva e re e ministrisë që parandalon gratë të udhëtojnë vetëm në distanca të konsiderueshme gjithashtu tha se njerëzit duhet të ndalojnë së luajturi muzikë në automjetet e tyre.
Interpretimi i talebanëve për hixhabin – i cili mund të variojë nga mbulimi i flokëve deri te mbulesa e fytyrës apo mbulimi i gjithë trupit – është i paqartë dhe shumica e grave afgane tashmë mbajnë shami.
Që nga marrja e pushtetit në gusht, talebanët kanë vendosur kufizime të ndryshme për gratë dhe vajzat, pavarësisht se premtuan një rregull më të butë në krahasim me qëndrimin e tyre të parë në pushtet në vitet 1990.
Në disa provinca, autoritetet lokale talebane janë bindur të rihapin shkollat - por shumë vajza mbeten ende të shkëputura nga arsimi i mesëm.
Në fillim të këtij muaji, grupi islamik lëshoi një dekret në emër të liderit të tyre suprem që udhëzon qeverinë të zbatojë të drejtat e grave. Dekreti nuk përmendte aksesin e vajzave në arsim.
Lajme të tjera
-
Turqia dëbon nga territori i saj 325 shtetas afganë
10 Nëntor, 16:06 -
‘Samiti i Grave Afgane’ në Tiranë, ministri Hasani: Regjimi taleban e ka përkeqësuar situatën, Shqipëria në mbështetje të tyre!
11 Shtator, 10:17 -
Po sikur SHBA të ‘lodhet’ me Kosovën si me Afganistanin?!
31 Gusht, 19:12
-
Gjermania kritikohet për shqyrtimin e dëbimit të afganëve dhe sirianëve
20 Qershor, 18:42 -
Barka me emigrantë përmbyset në brigjet e Kalabrisë, flitet për 65 të zhdukur mes tyre 26 fëmijë
17 Qershor, 19:44 -
OKB: 1000 ditë prej kur talibanët ndaluan arsimin e mesëm për vajzat
13 Qershor, 22:11 -
Qindra të vdekur nga vërshimet në Afganistan
11 Maj, 12:55 -
Shtatë të vrarë nga sulmi në një xhami në Afganistan
30 Prill, 11:04 -
U shpërthen mina duke luajtur, vriten 9 fëmijë në Afganistan
1 Prill, 14:42 -
Talebanët kryejnë ekzekutim publik të dyfishtë, mijëra njerëz mbushin stadiumin për të parë vrasjen e dy burrave
22 Shkurt, 15:35 -
Grave beqare dhe të pashoqëruara u mbyllen të gjitha dyert nën sundimin taleban
2 Shkurt, 08:08 -
Mianmari tejkalon Afganistanin për prodhimin e opiumit
12 Dhjetor 2023, 09:42
