Më shumë se 72.000 forca të sigurisë janë vendosur për të ruajtur qendrat e zgjedhjeve dhe vendvotimet në të gjithë vendin. Misioni mbështetës i Kombeve të Bashkuara në Afganistan UNAMA i bëri thirrje Komisionit Zgjedhor, kandidatëve dhe të gjithë aktorëve të tjerë që të forcojnë përpjekjet e tyre për zgjedhje të suksesshme presidenciale. Secili duhet të bëjë punën e tij për të garantuar që të gjithë afganët, duke përfshirë edhe gratë, të marrin pjesë në zgjedhje, thuhet në një deklaratë.
Sekretari i Përgjithshëm i UNAMA-s, Tadamichi Yamamoto u bëri thirrje talibanëve të ndalojnë kërcënimet e tyre kundër zgjedhjeve dhe kundër votuesve afganë.
"Sulmet kundër qendrave të votimit dhe civilëve, që duan të marrin pjesë në zgjedhje, janë të papranueshme. Ato janë një shkelje e qartë e së drejtës ndërkombëtare. Unë u bëj thirrje talibanëve të tërheqin kërcënimet e tyre dhe i bëj thirrje qeverisë afgane të marrë masa të përshtatshme sigurie për zhvillimin e zgjedhjeve".
Në fundjavë, qeveria afgane bëri të ditur se të gjitha përpjekjet për t'u përfshirë në një dialog me talibanët do të shtyhen deri pas zgjedhjeve. Pas kësaj, qeveria e re e zgjedhur nga populli do t'i japë përparësinë më të madhe procesit të paqes.
Edhe ambasadorja afganase në OKB, Adela Raz, ritheksoi rëndësinë e zgjedhjeve për të ardhmen demokratike të Afganistanit dhe stabilitetin politik të viteve të ardhshme: "Megjithë rreziqet dhe sfidat për sigurinë, populli afgan është i vendosur të votojë. Votimi për të gjitha pjesët e shoqërisë sonë është një shprehje e vendosmërisë sonë për të vazhduar rrugën tonë drejt stabilitetit, demokracisë dhe përparimit".
Ajo shtoi se Afganistani dëshiron të ecë përpara dhe të mos kthehet pas. Raz kërkoi të respektohet aspirata e popullit afgan dhe të mos vihet në dyshim që në krye besueshmëria e zgjedhjeve.
Në zgjedhjet parlamentare vitin e kaluar kishte shumë parregullsi. Shumë vendvotime nuk u hapën fare, për shkak të shqetësimeve për sigurinë ose për shkak të mos paraqitjes së punonjësve të zyrave të votimit dhe mungonte dokumentacion i rëndësishëm zgjedhor. Prandaj në kryeqytetin Kabul, të gjitha votat u shpallën të pavlefshme.
Lajme të tjera
-
SHBA njeh kandidatin e opozitës Edmundo Gonzalez si fitues të zgjedhjeve presidenciale në Venezuelë
20 Nëntor, 08:17 -
Azerbajxhan, aktivistët protestojnë brenda konferencës së OKB-së për ndryshimet klimatike
16 Nëntor, 18:12 -
Lufta/ Sulmet izraelite në Libanin lindor shkaktojnë 12 viktima! Jepet urdhër evakuimi në periferi të Bejrutit, pritet të goditen disa ndërtesa
15 Nëntor, 08:56 -
Komiteti i OKB-së: Metodat e luftës të Izraelit përkojnë me gjenocid
14 Nëntor, 13:57 -
Media australiane 'The New Daily': Si po kthehet Shqipëria në destinacionin e madh të turizmit evropian?
14 Nëntor, 08:54 -
Konferenca e OKB-së për Ndryshimet Klimatike/ Guterres – liderëve botërorë: Paguani ose përballuni me fatkeqësitë nga klima
12 Nëntor, 16:12 -
COP29/ Dhjetëra liderë botërorë fillojnë fjalimet dhe negociatat për ndryshimet klimatike
12 Nëntor, 08:16 -
Trump zgjedh ligjvënësen Elise Stefanik për Ambasadore në OKB
11 Nëntor, 16:40 -
Turqia dëbon nga territori i saj 325 shtetas afganë
10 Nëntor, 16:06 -
Lufta/ Raporti i OKB: Rreth 70% e viktimave në Gaza janë gra dhe fëmijë! Mund të jetë krim kundër njerëzimit dhe gjenocid, të hetohet
8 Nëntor, 17:49 -
Izraeli miraton ligjin që lejon burgosjen e fëmijëve palestinezë nën 14 vjeç
7 Nëntor, 16:01 -
Letra për Linda Ramën, Kombet e Bashkuara i përgjigjen PD-së: Rekrutimi, sipas rregullave dhe konkurrimit të hapur
6 Nëntor, 12:35
