Një zyrtar i OBT- së, i cili ka marrë pjesë në takim në Gjenevë, ka thënë për Reuters se ministrat e tregtisë do të konfirmojnë kushtet e anëtarësimit të Afganistanit, gjatë takimit që do të mbahet në Nairobi, në dhjetor.
Afganistani do të bëhet anëtare e OBT-së, 30 ditë pasi të ratifikojë marrëveshjen.
Afati i fundit për Afganistanin për të ratifikuar marrëveshjen, është deri më 30 qershor, të vitit të ardhshëm.
Afganistani kishte rënë dakord për këtë qysh në vitin 2014, por zyrtarët e OBT-së kanë thënë se marrëveshja përfundimtare kërkon "sinjalin e duhur" nga Kabuli.
Për t'u bashkuar me OBT-në, vendet kandidate duhet të pajtohen për të ulur tarifat dhe për të ndryshuar ligjet e tyre, në mënyrë që të garantohen të drejtat e importuesit dhe eksportuesit, sipas rregullave të OBT-së.
Kazakistani dhe Liberia kanë rënë dakord kohët e fundit mbi kushtet e tyre të anëtarësimit.
![](https://www.shqiptarja.com/template/img/sh_logo1.png)