Stavro Pilo do të vazhdojë aventurën e tij te AEK-u i Athinës. Mbrojtësi i majtë i kombëtares shqiptare ka rinovuar zyrtarisht kontratën me klubin grek, duke firmosur një marrëveshje të re që e lidh me skuadrën për katër vitet e ardhshme.

Lajmi është bërë publik nga vetë AEK-u përmes kanaleve zyrtare të klubit në rrjetet sociale. Rinovimi i gjatë është një tregues i qartë i besimit që drejtuesit grekë kanë te futbollisti 25-vjeçar.

Pilo është bërë pjesë e kombëtares shqiptare në periudhën e fundit, pasi u grumbullua nga ish-trajneri Sylvinho. Mbrojtësi ka debutuar me fanellën kuqezi dhe shihet si një nga alternativat kryesore për krahun e majtë të mbrojtjes së Shqipërisë.

I lindur në Rodos të Greqisë, Pilo e njeh mirë futbollin grek, ku përpara aventurës me AEK-un ka mbrojtur ngjyrat e PAS Janinës dhe Iraklisit.

Tashmë, mbrojtësi shqiptar do të vijojë të jetë pjesë e AEK-ut për të paktën katër vitet e ardhshme, deri në verën e vitit 2030. AEK-u e ka prezantuar ndryshe mbrojtësin shqiptar, teksa vetë presidenti i klubit Marios Iliopoulos ka thënë fjalët më të mira, duke mos munguar në fund një përqafim shumë miqësor mes të dyve.

S.Dh/Shqiptarja.com

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës: 5 Gusht, 13:27

    GJKKO kërkon të kufizojë aksesin e mediave dhe të drejtave të gazetarëve gjatë seancave, a jeni dakord?

Lajme të tjera