Puna për festivalin ka nisur në korrik të vitit 2014 në bashkëpunim me Ministrinë e Kulturës dhe Qendrën Kombëtare të Veprimtarive Folklorike. Komisioni Përzgjedhës i Festivalit është i përbërë nga studiuesit e Institutit të Antropologjisë Kulturore dhe Studimeve të Artit. Drejtues artistik të Festivalit janë profesor Thoma Gaqi dhe regjisori Bledar Laço.
Për të arritur tek festivali, për disa muaj me radhë është organizuar maratona e trashëgimisë jomateriale në 12 qarqe, me kontakte, takime, vëzhgime dhe koncerte të Komunave dhe Bashkive, ku morën pjesë rreth 7230 bartës të folklorit ndër të cilët rreth 1600 fëmijë e të rinj. Mjaft grupe shqiptare nga Kosova, Maqedonia dhe Mali iZi do vijnë në këtë edicion, ku bëhet fjalë për një numër 3 herë më të madh sesa Festivalet e kaluara (1400 konkurrues në të gjitha gjinitë).
Në këtë festival janë të ftuara grupet folklorike të arbëreshëve të Italisë, shqiptarët e SHBA, Zvcirës, Turqisë (rreth 100 artistë), por edhe të ftuarit special si Eda Zari band, Grupifolk nga Janina, Kompleksi Palava nga Çekia, Trupa e Ansamblit të Këngëve dhe Valleve Popullore, Ansambli Shota i Kosovës, Banda Fanfara Tirana, Olen Çezari Band, dhe këngëtarja Rona Nishliu me grupin e saj.
Festivali Folkorik i Këngës në Gjirokastër u themelua në vitin 1968. Pas realizimit dhe mbajtjes së edicionit të parë të festivalti, në edicionet e mëpasshme morën pjesë të gjitha rrethet e vendit në çdo pesë vjet, përkatësisht 1973, 1978, 1983, 1988, të cilat janë zhvilluar rregullisht në Kalanë e Gjirokastrës
Shkrimi u botua në Shqiptarja.com (print) në 25 Prill 2015
Redaksia Online
(d.a/shqiptarja.com)
