POP 5

Lajmet më të lexuara të 5 minutave të fundit

Kronikë

AGD takim për analizën 1 vjetore: 
Vendoret 2015 me më shumë gra

Aleanca e Grave Deputete, zhvilloi sot analizën vjetore të 2014-s, në një tryezë të posaçme me mbështetjen e UN Woman dhe OSBE. Një nga drejtimet kryesore të axhendës së ADG, me  ardhjen e fushatës elektorale, do të jenë orientimet dhe inkurajimi i grave në strukturat partiake për të garuar në zgjedhjet e pushtetit lokal.
AGD takim për analizën 1 vjetore: <br />Vendoret 2015 me më shumë gra
Aleanca e Grave Deputete, AGD zhvilloi sot analizën  vjetore të 2014-s dhe trajtoi strategjinë e punës për këtë vit, në një tryezë të posaçme  me mbështetjen e UN Woman dhe OSBE.

Në hapje të takimit kryetarja e AGD, Mesila Doda falënderoi dhe vlerësoi  si qenësor,  kontributin e çdo deputeteje në përmbushjen  e axhendës së punës gjatë viti të kaluar.

"Kjo Aleancë me frymën e bashkëpunimit, përtej ndasive partiake, i ka dhënë një fytyrë të re parlamentarizmit dhe politikës shqiptare. Ne po përcjellim mesazhin e bashkëpunimit për çështje jetike,një model i munguar mes kolegëve tanë burra”, tha Doda. Ajo i kërkoi deputeteve të bëhen avokate të përkushtuara, të çdo kauze për të drejtat e grave dhe vajzave  dhe promovimit të tyre në vendimmarrjen brenda dhe jashtë politikës.

Në diskutimet e analizës vjetore, deputetët theksuan nevojën e një koordinimi më të shpeshtë  mes tyre të aktiviteteve në terren, si dhe në njohjen zyrtare si grupim jopolitik brenda parlamentit dhe njohje më të madhe ndërkombëtare të këtij grupimi në parlamentet e rajonit dhe vendeve evropiane.

Një nga drejtimet kryesore të axhendës së ADG, me  ardhjen e fushatës elektorale, do të jenë orientimet dhe inkurajimi i  grave në strukturat  partiake për  të garuar në zgjedhjet e pushtetit lokal.

Në këtë pikë kryesia e AGD dhe deputetet e tjera kërkuan mbështetje edhe më të gjerë të organizmave ndërkombëtarë në bashkëpunim me shoqërinë civile, që të lobojnë pranë lidershipit të partive politike, në mbështetjen e grave dhe vajzave për përfshirjen në listat e kandidatëve zgjedhorë.

Njëherësh deputetet do të ndërmarrin nismat në përmirësimin e legjislacionit për kuotimin e pjesëmarrjes së grave në biznes, bordet drejtuese të institucioneve, fushën akademike dhe në drejtimin e  shërbimeve të ndryshme publike dhe private.

Doda mbështetur dhe nga deputetet pjesëmarrëse propozoi që në Kodin e sjelljes në Kuvend  të kërkohet rishikimi  i kohëzgjatjes  dhe i numrit të ndërhyrjeve në seancë  nga  deputetët burra dhe ekzekutivi, dhe kërkoi nga kolegët një ngritje të etikës së komunikimit brenda dhe jashtë Kuvendit.

Në fjalën e tyre, përfaqësueset e OSBE-së dhe UN Woman që mbështetën takimin, vlerësuan veçanërisht rolin aktiv që AGD ka marre në mbrojtjen e të drejtave të grave shqiptare, rritjes së  përfaqësimit të tyre në politikë e sektorë të ndryshëm, si dhe në luftën kundër dhunës ndaj gruas.

Redaksia online
(f.m/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54