Agjencia e Pronave: Ja regjistri i vendimeve të marra gjatë viteve 2013-2014

Agjencia e Trajtimit të Pronave ka përfunduar vlerësimin financiar për vendimet e marra lidhur me kërkesat e ish-prinarëve gjatë viteve 2013-2014. Gazeta boton sot emrat e pronarëve, për të cilët ka përfunduar shqyrtimi me skemën e re dhe është caktuar masa e përfitimit.

Vihet re që vlerësimi i bërë sipas zërit kadastral, që prona ka pasur në momentin e konfiskimit, ka nxjerrë jashtë loje disa prej pronarëve, të cilëve u hiqet edhe drejta e përfitimit. Kjo është një nga risitë e ligjit të amenduar nga mazhoranca e majtë vitet e fundit. Bëhet fjalë për ata pronarë përbri emrit të të cilëve është shkruar “konsiderohen të kompensuar”.

Me ligjin e ri, mundësia e vetme që kanë këto familje është ankimimi në gjykatë. Të gjithë subjektet e interesuara, në bazë të ligjit nr.133/2015, kanë të drejtë të ankohen kundër vlerësimit financiar të kryer nga ATP për përcaktimin e vlerës së pronës në Gjykatën Administrative të Apelit brenda 30 ditëve nga dita e publikimit, vetëm për vlerën e kompensimit. Ndërkohë, subjektet, të cilët evidentojnë mangësi në dokumentacion dhe problematika në vlerësim, mund të plotësojnë dokumentacionin për vlerësimin financiar të vendimit të kompensimit, brenda 6 muajsh nga publikimi i regjistrit.

LEXO EDHE:
Gjykata Kushtetuese pezullon ligjin për kompensimin e pronave

Tabelën e plotë me emrat e përfituesve dhe pronarëve si dhe vlerësimit nga Agjencia për çdo pronë mund ta gjeni sot në gazetën "Shqiptarja.com" versioni print.

TAG:
• pronat
• agjencia e pronave
• regjistri

Sondazhi i ditës:

A ka politika frikë nga SPAK-u?

• Po

  68.4%

• Jo

  26.9%

• Nuk e di

  4.7%

Vota total: 2690

• Sondazhi i ditës:

  A ka politika frikë nga SPAK-u?

  Po Jo Nuk e di