Pas deklaratave të Komiteti Global Këshillues i OBSH-së për Sigurinë e Vaksinave mbi vaksinën AstraZeneca, ka reaguar edhe Agjencia Italiane e Barnave, e cila me anë të kreut të saj Nicola Magrini. Magrini u kërkon popullatës të mos shqetësohet për sigurinë e vaksinës AstraZeneca, pasi sipas tij është alarm i pajustifikuar.
”Vaksina AstraZeneca është e sigurt. Bilanci midis përfitimeve dhe rreziqeve është jashtëzakonisht i favorshëm. Ne nuk duhet të kemi frikë nga ajo për momentin dhe duhet të vazhdojmë të shkojmë në qendrat e vaksinimit me qetësi të madhe”, tha Magrini.
AIFA përsëriti qëndrimin e saj në lidhje me vaksinën e kompanisë farmaceutike britaniko-suedeze, pas disa rasteve të dyshuara ditët e fundit për efekte anësorë të rënda dhe mbi të gjitha pas një serie lajmesh të rreme që po përhapen në internet.
![](https://shqiptarja.com/template/img/NO_ALFA_Kuadrate shqiptarja.png)
Vaksina është pezulluar në disa vende, por Magrini nënvizon se ”alarmimi i këtyre orëve është i pajustifikueshëm”.
”Ne kurrë nuk kemi parë një alarm që është përhapur në mënyrë kaq të pabazë, pasi në të gjithë botën, mbi 10 milion vetëm në Britaninë e Madhe kanë pasur vetëm efekte anësore të lehta”, shtoi kreu i AIFA-s.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)