Agresiv dhe i dhunshëm, arrestohet 26-vjeçari në Tiranë, kundërshtoi dhe goditi punonjësit e policisë

Një 26-vjeçar, i cili kundërshtoi punonjësit e policisë, duke i goditur është arrestuar nga blutë e kryeqytetit.

Policia tha se në pranga u vu shtetasi me iniciale E.P., i cili në momentin kur u arrestua ka shfaqur sjelle agresive.

"Arrestimi i 26-vjeçarit u bë pasi, rreth orës 05:00 të mengjesit, në rrugën “Mikel Maruli”, rrepunonjësit e Policisë së Qarkullimit Rrugor, së bashku me shërbimet e Komisariatit Nr. 6, në momentin e ndalimit të mjetit pas ndjekjes nga ana e tyre, pasi e kishin konstatuar në shkelje të rregullave të qarkullimit rrugor, ky shtetas i ka kanosur dhe goditur për shkak të detyrës punonjësit e Policisë. Gjatë shoqërimit për në Komisariatin Nr. 6, ky shtetas ka shfaqur sjellje agresive dhe të dhunshme dhe ka goditur muret e Komisariatit", thuhet në njoftimin e policisë.

Në cilësinë e provës materiale sekuestrua mjeti me të cilin ky shtetas po qarkullonte.

Materialet do t’i kalojnë Prokurorisë, për veprat penale “Mosbindja ndaj urdhrit të punonjësit të policisë së rendit publik”, “Kundërshtimi me dhunë i punonjësit të policisë së rendit publik” ,“Goditja për shkak të detyrës”, “Kanosja për shkak të detyrës” dhe “Shkatërrimi i pronës”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

U asfiksuan nga gazi në banesë një ditë më parë, gjenden dy persona të pajetë në Golem! Policia: Vijojnë hetimet për ngjarjen